Dźěłowy čas branše budźe přiměrjeny

štwórtk, 02. meje 2019
artikl hódnoćić
(0 )

Meerane (SN/BŠe). Po 14 hodźin trajacym jednanju minjenu póndźelu su so dźěłarnistwo IG Metall a zastupjerjo dźěłodawarjow tekstilneje branše na wuchodźe Němskeje na nowe tarifowe zrěčenje dorozumili. Nimo wjace mzdy dźěłowy čas přiměrja. Tuž změja ze 37 hodźinami wob tydźeń samsne poměry kaž na zapadźe. Kaž dźěłarnistwo zdźěli, budźe tole hač do lěta 2027 zwoprawdźene. Dotal dźěłachu přistajeni branše 40 hodźin wob tydźeń. Hnydom dźě to njemóža dźěłodawarjo zwoprawdźić. Tuž su dohromady šěsć kročelow předwidźane. „Skónčnje dóstanu kolegojo tekstilneje industrije na wuchodźe Němskeje lěpše žiwjenske wuměnjenja“, zwurazni nawoda wobwoda IG Metall Berlin-Braniborska-Sakska Olivier Höbel. „30 lět po přewróće smy murju dźěłoweho časa mjez wuchodom a zapadom přewinyli. Z tym je so socialna sprawnosć přesadźiła.“

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND