Sport (02.08.19)

pjatk, 02. awgusta 2019
artikl hódnoćić
(0 )

Wobory so wubědźuja

Wobornicy zarjadniskeho zwjazka při Klóšterskej wodźe zetkaja so dźensa we Sernjanach k dalšemu wurisanju w haše­nju, kotrež započnje so we 18 hodź. Njedźelu za tydźeń, 11. awgusta, wubědźuja so woni wot 13.30 hodź. w Smjerdźacej.

Přewjedu soccercup

Wjesny klub Sernjany přeproša jutře, sobotu, wšitkich wólnočasnych a dalšich koparjow na tak mjenowany soccercup. Tu hrajo třo přećiwo třom, a to wosom mjeńšin. Započatk je napoł dwěmaj, maksimalnje dźesać mustwow smě so wobdźělić. Přizjewjenja su pod telefo­nowym čisłom 01 62 / 7 62 40 29 abo e-mailnje pod móžne.

Jubilejne hórske běhi

Lětsa přewjedu we Wopakej 40. raz běhi na horu Běłobóh, a to njedźelu, 25. awgusta, wot 10 hodź. Planowane su distancy 1,5 / 4,9 / 12,0 a 20,0 km. Nimo toho poskića tam sportowcam walking na distancy 4,9 km.

Koparske testowe hry

02.08. 19.00 ST 1922 Radwor –

  HZ Huska/Hodźij

04.08. 10.30 SJ Njebjelčicy –

  Biskopičanske KT 08 II

04.08. 11.00 Sokoł Ralbicy/Hórki –

  Budissa Budyšin U19

04.08. 15.00 ST 1922 Radwor –

  ST Hbjelsk 1923

04.08. 15.00 SJ Chrósćicy –

  ST Marijina hwězda

06.08. 18.30 SJ Chrósćicy –

  Budissa Budyšin

winowatostna koparska hra:

04.08. 13.30 FC Energija Choćebuz –

  Čerwjeno-běli Erfurt

Bičwolejbul Satkule

Bičwolejbulnišćo za sportowej halu we Worklecach dožiwi póndźelu, 5. awgusta, po captainscupje dalši turněr. Z hosćom budźe bičwolejbulowa tura Radija Satkula. Dalše terminy su: 12.08. Konjecy, 19.08. Budyšin a 26.08. Miłoćicy (wulke finale).

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND