Mongolska IHK nětko težw Delnjej Łužicy

wutora, 12. nowembera 2019
artikl hódnoćić
(0 )

Choćebuz (dpa/SN). Mongolska narodna Industrijna a wikowanska komora (IHK) ma wotnětka běrow w Choćebuzu. Minjeny pjatk su zastupnistwo w přitomnosći prezidenta mongolskeje komory Otgondavaa Amartuvshina wotewrěli. Južnobraniborske předewzaća pokazuja zajim na mongolskich wikach a maja je hladajo na łužiske kompetency w hórnistwje a energijowej technice za strategisce wjelelubjace. To rjekny prezident Choćebuskeje IHK Peter Kopf k nowemu partnerstwu. Wobě komorje podpisaštej kooperaciske zrěčenje. Po jeju informacijach je to prěni króć, zo so wukrajna IHK na juhu Braniborskeje zasydli.

Někotre předewzaća regiona wudźeržuja hižo styki k mongolskim partneram, při čimž maja zas a zaso přewšo wulke zadźěwki přewinyć. Te chcedźa nětko z pomocu noweho mongolskeho kontaktneho běrowa wottwarić, rjekny wotrjadnica IHK za mjezynarodne styki Silke Schwabe. Nawjedować ma běrow němskorěčny sobudźěłaćer, kiž je na zakładźe swojeho dotalneho skutkowanja z łužiskej kónčinu derje splećeny.

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND