Archeologojo slědźa dalše pjeć lět we łužiskim rewěrje

wutora, 19. nowembera 2019
artikl hódnoćić
(0 )
Předewzaće Łužiska energija a milinarnje (LEAG) samozrozumliwje archeologiske přepytowanje wokoliny łužiskich brunicowych jamow podpěruje. Mjeztym su archeologojo samo hižo swědstwa z bronzoweho časa namakali. Foto: LEAG/Thoralf Schirmer Předewzaće Łužiska energija a milinarnje (LEAG) samozrozumliwje archeologiske přepytowanje wokoliny łužiskich brunicowych jamow podpěruje. Mjeztym su archeologojo samo hižo swědstwa z bronzoweho časa namakali. Foto: LEAG/Thoralf Schirmer

Choćebuz (SN/BŠe). Archeologiska dokumentacija a slědźenje we łužiskim brunicowym rewěrje stej dale zawěsćenej, zdźěla nětko předewzaće Łužiska energija a milinarnje (LEAG). Wotpowědne dojednanje, kotrež zaruča slědźenje w přichodnych pjeć lětach, stej sakski krajny zarjad za archeologiju a LEAG podpisałoj.

Hižo w 1990tych lětach su wědomostnicy wokolinu Rychwałdskeje a Wochožanskeje brunicoweje jamy přepytowali, štož je hórnistwowe předewzaće pjenježnje podpěrało. Hižo w lěće 2007 zarjadowachu dźěłowe stejnišćo w Běłej Wodźe, hdźež je mjeztym 30 archeologow, wurywanskich technikarjow a fachowych dźěłaćerjow zaměstnjenych. Woni su dotal mnohe nowe namakanišća wuslědźili a přepytali. „Wulka podpěra LEAG zmóžnja wobstajne pomnikoškitne hladanje łužiskich brunicowych rewěrow. Wulkopřestrjenowe přepytowanje namakanišćow zmóžnja archeologiskemu slědźenju wurjadne wuměnjenja“, wuzběhnje krajna archeologowka swobodneho stata dr. Regina Smolnik.

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND