Pitna woda potrjechena

štwórtk, 19. decembera 2019
artikl hódnoćić
(0 )

40 dnjow hódnota sulfata lětsa w Sprjewi překročena była

Budyšin (SN/BŠe). Braniborska je swój za­­měr spjelniła a wobstatk sulfata w Sprjewi pomjeńšiła. Tak rěkaše minjenu njedźelu jedne z hłownych nadpismow w nowinach. Postajena hódnota 280 miligramow na liter wody na měrjenskej staciji w Neubrücku, bě 40 dnjow překročena, zdźěli braniborske hospodarske ministerstwo na naprašowanje frakcije Zelenych. Tamne dny lěta bu hódnota dodźeržana.

Sulfaty dóstawaja so přez stupacu dnownu wodu bywšich brunicowych jamow­ do Sprjewje. Za ludźi drje njejsu wone škódne, ale za ryby a rostliny. Kaž ministerstwo rozprawja, njewuskutkuje so překročenje hódnoty na pitnu wodu, kotruž we Brjazynskej wodarni přihotuja. Ze sulfatom poćeženu wodu Sprjewje tam z dnownej wodu měšeja. Z wodu zasta­ruja předewšěm komuny wokoło Frankfurta nad Wódru.

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND