Zawjedźenje tarifa wulki wuspěch

póndźela, 09. měrca 2020
artikl hódnoćić
(0 )

Budyšin (SN/JaW). Jan Otto wostanje hłowny jednaćel­ dźěłarnistwa IG metal wuchodneje Sakskeje. Jeho je 90 přitomnych na sobotnej delegatnej zhroma­dźi­znje z 91,5 procentami hłosow w zastojn­stwje wobkrućiło, kaž IG me­tal zdźěla. Tohorunja na dalše štyri lěta­ w zastojn­stwje wobkrućeny je druhi społ­nomóc­nje­ny Gerd Kaczmarek. Wón dósta 92 procentow wšěch hłosow. Wolili su zdobom předsydstwo z cyłkownje 14 přisydnikami z regionalnych zawodow.

Gerd Kaczmarek móžeše dobru bilancu skutkowanja dźěłarnistwa we wuchodnej Sakskej sćahnyć. „W minjenych štyrjoch lětach smy w našej wotnožce tójšto k pozitiwnemu změnili. Ličba čłonow je wobstajnje přiběrała, a smy nowe zawody zdobyli. Zhromadnje chcemy z nowowuzwolenymi delegatami po wuspěšnym puću dale kročić.“

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND