Wot 5. apryla budźe mjenje ćahow po puću

wutora, 31. měrca 2020
artikl hódnoćić
(0 )
Wot 5. apryla budźe ćah Trilex hodźinsce do Drježdźan jězdźić.  Foto: SN/Hanka Šěnec Wot 5. apryla budźe ćah Trilex hodźinsce do Drježdźan jězdźić. Foto: SN/Hanka Šěnec

Drježdźany/Budyšin (SN/at). Ćahi we wobłuku wobchadniskeju zwjazkow Hornje Łobjo (VVO) a Hornja Łužica-Delnja Šleska (ZVON) su dotal najebać wobmjezowanja koronakrizy dla dale tak po puću byli, kaž to jězbny plan postaja. To pak so nětko změni.

Mjeztym dźeń a mjenje ludźi z ćahom jězdźi. Železniske předewzaća tuž wot jutři­šeho 1. apryla swoje poskitki na ně­kotrych čarach jasnje přiměrja, kaž VVO informuje. Najebać to ma stabilny taktowy poskitk wostać. Ćahi DB Regio z Wojerec (RE 15) a Srjedźoněmskeje regioželeznicy z Kamjenca (RB 34) jězdźa dale kóždu hodźinu do Drježdźan. VVO na to skedźbnja, zo su na čaromaj Drježdźany–Kamjenc a Drježdźany–Kinspork někotre ćahi jeno z jednym ćěridnym wozom město hewak z dwěmaj po puću. „Mobilitu za wobydlerjow w regionje, kotřiž su za swoje wšědne jězby na bliskowobchad pokazani, tak zhromadnje zaručamy“, informuje jednaćel VVO Burkhard Ehlen.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND