Staw dnowneje wody stabilny

pjatk, 03. apryla 2020
artikl hódnoćić
(0 )

Snadne spadki minjenych tydźenjow wuskutkuja so na staw dnowneje wody runje tak kaž na pegele rěkow a rěčkow. Zjawne zastaranje z wodu pak je dale zawěsćene.

Drježdźany (SN/bn). Aktualny staw dnowneje wody w regionje je po informacijach Sakskeho krajneho zarjada za wobswět, ratarstwo a geologiju (LfULG) „přewažnje konstantny. Wuhódnoćene měrjenja dohromady 311 pruwowanskich městnosćow wujewjeja, zo leži přerě­­zny pegel w 77 procentow padow wo něhdźe 51 centimetrow pod wjelelětnym přerězkom.“ Přičina toho su hłownje „po­měrnje snadne spadki w minjenych tydźenjach“. Přiwšěm je rozdźěl mjez jednotliwymi měrjenskimi stacijemi we Łužicy – tež wotwisnje wot wašnja pru­wowanja pak w šachtowej studni, pak z tak mjenowanej wobkedźbowanskej rołu­ za dnownu wodu – dosć wulki. Tak zwěsćeja w Małym Wjelkowje 15 centimetrow resp. w Barće samo 57 centimetrow niši a we Łuhu 21 cm resp. w Klětnom samo 63 cm wyši přerězny staw. Złožujo so na aktualnu meteorologisku situaciju zarjad z toho wuchadźa, zo „pegel přichodnje trochu postupi“.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND