W Hózku maja wulke zbožo ze swěrnymi pólskimi pomocnikami
Budyšin/Hózk (SN/BŠe). Hromak na polach rosće, w mnohich zawodach po cyłej Sakskej pak pobrachuja pomocnicy, kotřiž zeleninu žněja. Woni pochadźeja zwjetša z wukraja, přewažnje z wuchodneje Europy. Ale mjezy su zawrjene. „Nadźijomnje woni bórze přińdu“, přeješe sej před tydźenjomaj tež jednaćel sakskeho burskeho zwjazka Manfred Uhlemann. A jeho wočakowanja su so znajmjeńša trochu spjelnili. Bórze na to je lětadło z Rumunskeje na Berlinskim lětanišću přizemiło, prěni pomocnicy smědźa- chu dźěłać započeć a dalši slědowachu.
