Na Sprjewi je widźeć, zo móžeš škit před wulkej wodu z ekologiju zwjazać
Połpica (SN/at). Nimale lěto čeće Sprjewja zaso po starym, tak mjenowanym Lemišowskim promjenju, poł lěta po dalšim sewjernje Połpicy. Na woběmaj pytnješ, zo je so typiska přiroda na tymaj jej wróćenymaj rěčnišćomaj widźomnje rozpřestrěła. Tu hnězdźi brjohačk, tež slědy bobra njejsu přewidźeć.
Projekt „redymanizacija Sprjewje“ wotzamknychu wčera w přitomnosći sakskeho wobswětoweho ministra Wolframa Günthera (Zeleni), zastupjerjow wobdźělenych zarjadnišćow Sakskeho krajneho zarjada rěčnych zawěrow, Němskeje zwjazkoweje załožby wobswět (DBU), Sakske lěsa kaž tež zarjadnistwa biosferoweho rezerwata Hornjołužiska hola a haty.
