W Budyskim nutřkownym měsće nimale wšitko zaso po starym
Budyšin (SN/BŠe). Najebać koronu a škitne zakryće huby a nosa so kupcy zaso pomału do městow nawróćeja. To dopokazuja frekwencowe wobličenja w nutřkownych městach, abo wuchadźa z naprašowanjow mjez drobnowikowarjemi. Mjeztym je frekwentnosć w někotrych městach tajka kaž do časa krizy. To zwěsćichu statistikarjo mjez druhim tež w Drježdźanach. Wobhladaš-li sej tele dny Budysku Bohatu hasu, je situacija podobna. Tam so ludźo zaso wuchodźuja, sydaja w kofejownjach a lodarnjach a dadźa sej chłóšćenki zesłodźeć.