Pazoraki a suchota wohrožeja hospodarski wuspěch hatarjow a rybarjow
Wětošow/Minakał (PBe/SN/bn). Wukonja-li Tšadowski rybar Karl Winkelgrund swoje wšědne inspekcije hatow, słuša drje wón k snadnej horstce ludźi, kotřiž so nad mnohimi přitomnymi kormoranami, kosćełamakami (Seeadler), rybjacymi worjołami kaž tež běłymi a šěrymi čaplemi njewjesela. Druzy su wot tuteje wšelakorosće družin hnući, wobdźiwujo wušikneho rybjaceho worjoła, kak so z lětnim karpom do wyšin znošuje. Jim so filigranje skutkowace běłe čaple runje tak spodobaja kaž nadobnje nad hatami kružace kosćełamaki.
