Zjednoćenstwje za nowych wučomnikow campaj přewjedujetej
Budyšin (SN/at). Z dwěmaj campomaj chcedźa we wobłuku Budyskeho wokrjesneho rjemjeslnistwa nowych wučomnikow w dwěmaj přemysłomaj za powołanske wukubłanje přihotować. „Hižo štwórty raz zahaji so jutře camp elektronikarjow w Budyšinje, na kotrymž wobdźěli so dźesać młodych ludźi“, wuswětla jednaćelka rjemjeslnistwa Sabine Gotscha-Schock. We wot Budyskeho zjednoćenstwa elektrotechnikarjow organizowanym kursu njenawuknu młodostni jenož lejtować. Zjednoćenstwo chce na tele wašnje team wutworjace a fachowe elementy sposrědkować, kodeks zadźerženja (Knigge) tam runje tak wobjednaja kaž matematiske a fyzikaliske zakładne znajomosće. Jako dobre nazhonjenje dotalnych tajkich zarjadowanjow wopytaja tež centralu nadróžneho wobswětlenja w sprjewinym měsće. A mjez dalšimi programowymi dypkami je probowa jězba z elektroawtom zawěsće powabna.