Za čas korony w Budyšinje koncept wo njewužiwanych wobchodach zdźěłali

Budyšin (SN/at). Koncept za njewužiwane wobchody a płoniny (Leerstandskonzept) za Budyske nutřkowne město předleži. Wo tym informuje Alexander Scharfenberg, za hospodarske spěchowanje přisłušny wotrjadnik w měšćanskim zarjadnistwje, na naprašowanje našeho wječornika. Tuchwilu hišće brošurku přihotuja, w kotrejž su wuslědki analyzy za wozjewjenje zjimane. Projekt je jedne z wjacorych ćežišćow, z kotrymiž su so spěchowarjo hospodarstwa w sprjewinym měsće lětsa za čas koronapandemije hłownje zaběrali.