ST Kupoj Nowa Łuka – Viktoria Worklecy 3:0 (25:19, 25:12, 25:22)

Zazběh do noweje hrajneje doby startowaše za wolejbulistki prěnjeho zastupnistwa holcow Viktorije Worklecy z poražku. Wolejbulistki z Kupoje a Noweje Łuki přesadźichu so tydźenja z jasnym 3:0 přećiwo Worklečankam.

Spočatk prěnjeje sadźby bě wurunany, tola hosćićelki namakachu spěšnišo swój stabilny rytmus. Kupjanki přeswědčichu z jasnej strukturu w přihrawkach a ze stabilnym přiwzaćom bulow. Z wótrymi nadběhami wuhrachu sej dypk po dypku dobry předskok. Worklečanki su drje zdźěla derje na ćišć přećiwnika reagowali, tola někotrych zwjeršnych zmylkow dla zhubichu dalše wažne ličaki. Jako steješe­ na tafličce 21:15, bě sadźba nimale hižo rozsudźena. Přećiwnik wuhra swoje nawjedowanje suwerenje dale, wuži swójske šansy a doby tak prěnju sadźbu 25:19.