Wo „lěće z wužadanjemi za nas wšitkich“ rěči Kathrin Groschwald, předsydka jednaćelstwa Budyskeje wotnožki Zwjazkoweje agentury za dźěło, zhladowaca na lěto korony 2020.
Budyšin (SN/at). Přerěznje 18 278 bjezdźěłnych, porno lětu 2019 wo 3,8 procentow wjetšu bjezdźěłnosć a pola předewzaćow zwěsćenych 10 068 socialneho zawěsćenja winowatostnych swobodnych dźěłowych městnow – to su dźěławosć Budyskeje wotnožki dźěłoweje agentury charakterizowace hrube ličby za minjene lěto. Zarjad je zhladowanje wčera w zwisku z aktualnymi ličbami dźěłowych wikow wozjewił.