Budyska fabrika sadźa produkciju pasty nastupajo na regionalnosć
Budyšin (SN/BŠe). Budyski žonop chce regionalny wudźěłk być. Ćim bóle to płaći, hdyž su tež jeho zakładne wobstatki – žonopowe zornjatka – w regionje plahowane. Wob lěto předźěłuje zawod Budyski žonop, přisłušacy koncernej Develey, něhdźe 3 000 tonow tajkich zornjatkow. Z toho je 2 000 tonow družina žołteho (Sinapis alba) a 1 000 orientaliskeho žonopa (Sarepta). „Dźewjeć ratarjow z regiona nam tuchwilu produkt dowožuja, za čož załožichmy towaršnosć producentow“, informuje nawoda Budyskeje fabriki Michael Bischof.