Choćebuz (SN). Koronapandemija wuskutkuje, zo je přetrjeba miliny woteběrała. Milinarnje tohodla mjenje elektriskeje energije do syće dawaja. Tak nětko w předewzaću Łužiska energija a milinarnje (LEAG) planuja dźěl sobudźěłaćerjow nachwilnje do krótkodźěła pósłać. Wo tym informowaše wčera powěsćernja dpa, powołaca so na rěčnicu přede­wzaća. Kaž LEAG zdźěli, je wona w minjenych dwanaće měsacach hač do štwórćiny mjenje brunicy wudobywała. Hladajo na dotalne wuwiće pandemije njeliča zamołwići LEAG z krótkodobnym wožiwjenjom naprašowanja za milinu. Přede­wzaće pak z toho wuchadźa, zo so potrjeba suroweje brunicy najpozdźišo lětsa nazymu zaso stabilizuje.