Charakteristiku dwórnišća zachowaja

srjeda, 05. meje 2021
artikl hódnoćić
(0 )
Kristina Rječkec z Kamjeneje a jeje přećel Michał staj nowaj wobsedźerjej Njeswačanskeho dwórnišća. Swójba z dwěmaj dźěsćomaj historiske twarjenje tuchwilu přetwarja. Při tym dźiwa na zachowanje twarskich maćiznow, kotrež dom zwonka a znutřka charakterizuja. SN/Hanka Šěnec Kristina Rječkec z Kamjeneje a jeje přećel Michał staj nowaj wobsedźerjej Njeswačanskeho dwórnišća. Swójba z dwěmaj dźěsćomaj historiske twarjenje tuchwilu přetwarja. Při tym dźiwa na zachowanje twarskich maćiznow, kotrež dom zwonka a znutřka charakterizuja. SN/Hanka Šěnec

W Njeswačidle chce młoda swójba historiske twarjenje zaso wožiwić

K charakteristiskim domam podłu železniskich čarow słušeja bjez­dwěla dwórnišća. Zastajenja železniskeho wobchada tež w Hornjej Łu­ži­cy, hdźež su na přikład zwisk mjez Budyšinom a Wojerecami za­wrě­li, je wjele prózdnych twarjenjow. W Radworju hižo něšto lět dwórnišćo kusk po kusku přetwarjeja. Mjeztym su so tež w Njeswačidle tajke twarske dźěła zahajili.

Dwórnišćo w Njeswačidle charakterizuje předewšěm twarska maćizna – palene cyhele, wužiwane za wonkownu fasadu. Twarjenje so wot tamnych w bliskosći wotzběhuje a wuprudźa něšto wosebite. To je jedna z přičin, čehodla je so Kristina Rječkec za nje zahoriła. „Přećel kaž tež ja smój njewotwisnje wot so přemyslowałoj, kak móhłoj najlěpje dwórnišćowy dom na swójbny domicil přetworić. Skónčnje smój so raz wo tym rozmołwjałoj a wobzamknyłoj, zo so wobhonimoj, komu Njeswačanske dwórnišćo słuša“, 36lětna powěda. Tuchwilu bydli młoda swójba hišće w Kamjenej pola Radworja. „Pytachmoj stajnje za domom z charakterom a ze stawiznami.“

wozjewjene w: Hospodarstwo

Galerija

dalši wobraz (1) Kolije při dwórnišću drje su hižo wottwarjene. Přiwšěm wonkowny napohlad bywši wužitk hišće wotbłyšćuje.
dalši wobraz (2) Twarsku maćiznu kolije su dźěłaćerjo tehdy za statiku wužiwali a do wjercha domu zatwarili. W pincy bywšeho dwórnišća je to derje spóznajomne.
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND