Z Whatsapp a chatom

srjeda, 05. meje 2021
artikl hódnoćić
(0 )
W Hornjołužiskej powołanje přihotowacej spěchowanske šuli w Biskopicach wuknjetaj Emelie Hildebrandt a Mustafa Mohseni za hłownošulske zakónčenje. Tudyša rjemjeslniska komora wabi za nowy chat. Foto: Steffen Unger/ra2 studio-stock.adobe.com W Hornjołužiskej powołanje přihotowacej spěchowanske šuli w Biskopicach wuknjetaj Emelie Hildebrandt a Mustafa Mohseni za hłownošulske zakónčenje. Tudyša rjemjeslniska komora wabi za nowy chat. Foto: Steffen Unger/ra2 studio-stock.adobe.com

Koronapandemija njezawinuje jeno za­wrjene šule, wona tež lětušich šulskich wotchadnikow při pytanju za wukubłanskim městnom njesměrnje poćežuje. Na­je­bać socialnu distancu je Drježdźanska rjemjeslniska komora móžnosće, wo wukubłanskich městnach so informować, rozšěriła. Wot spočatka apryla poskića komora Whatsapp-serwis za powołansku orientaciju, w kotrymž team wukubłanskich poradźowarjow w chaće spěšnje a njekomplikowanje na prašenja wotmołwja, a to k wólbje powołanja, k pytanju wukubłanskich městnow, k zarunanju wukubłanja atd. Tak reaguja na zwučenosć młodostnych, kotřiž mjez sobu rady přez Whatsapp komunikuja. Štóž chce chat startować, měł jeničce Whats­app-hotline Drježdźanskeje rjemjeslniskeje komory – 0351 4640-460 – jako kontakt na swojim šmóratku składować, a hižo hodźi so prěnja powěsć rozesłać. Alternatiwnje docpěješ wony chat direktnje ze šmóratkom abo tabletom pod .

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND