Žadanja njehodźa so zwoprawdźić

štwórtk, 24. junija 2021
artikl hódnoćić
(0 )
Budyski rěznik Roman Wjenk bědźi so ze žadanjemi zarjada za dohladowanje žiwidłow a weterinarstwo Budyskeho wokrjesa. Tak dyrbješe swoju rězarnju na Horje zawrěć, hdźež su předewšěm swinje na mjasowe produkty a kołbasu předźěłali. Tam je tuž sobudźěłaćerjow pušćić dyrbjał. Swój wobchod w Budyšinje pak wón dale wjedźe.  Foto: Carmen Schumann Budyski rěznik Roman Wjenk bědźi so ze žadanjemi zarjada za dohladowanje žiwidłow a weterinarstwo Budyskeho wokrjesa. Tak dyrbješe swoju rězarnju na Horje zawrěć, hdźež su předewšěm swinje na mjasowe produkty a kołbasu předźěłali. Tam je tuž sobudźěłaćerjow pušćić dyrbjał. Swój wobchod w Budyšinje pak wón dale wjedźe. Foto: Carmen Schumann

Budyski rěznik Roman Wjenk dyrbi swoju rězarnju na Horje zawrěć

Budyšin (CS/SN). Dotal bě Budyske Wjenkec rěznistwo mjez tymi, kotřiž poskićachu swoje wudźěłki ze swójskeho rězanja. Werner Wjenk, nan dźensnišeho mějićela Romana Wjenka, běše sej rězarnju na Horje pola Bóšic zarjadował. Tola nětko dyrbi tam rězniski mišter dźěławosć nachwilnje zastajić. Přičina toho su žadanja zarjada za dohladowanje žiwidłow a weterinarstwo Budyskeho wokrjesa, kotrež Roman Wjenk krótkodobnje spjelnić njemóže. W lisće, kotryž bě wón dźeń do swjatkow dóstał, sej zarjad wot njeho žadaše, předpołožić hač do 20. junija koncept, kak chcył žadanja zwoprawdźić. Mjez druhim běchu rězniskeho mištra napominali, pomjenować dalšeho zamołwiteho za škit skotu a zo ma lěpšu dokumentaciju wjesć. Swinje měli samsny dźeń zarězać, kaž je z nakładnym ­awtom do rěznistwa přiwjezu. Njeje-li to móžno, měli je dale picować. Z tym pak by wjace hownow nastało, kotrež měli wotstronić. Nimo toho žada sej zarjad twarske změny w rězarni, a te by hač do 31. julija zakónčić dyrbjał.

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND