Za wulkoslědźerski centrum „Fabrika přichoda Łužica“

pjatk, 25. junija 2021
artikl hódnoćić
(0 )
„Fabrika přichoda Łužica – wotmołwy na globalny hłód za resursami“ rěka požadanski film za wubědźowanje wo wulkoslědźerski centrum.  Foto: Fraunhoferski IKTS „Fabrika přichoda Łužica – wotmołwy na globalny hłód za resursami“ rěka požadanski film za wubědźowanje wo wulkoslědźerski centrum. Foto: Fraunhoferski IKTS

Drježdźany (SN/CoR). W nadawku Drježdźanskeho Fraunhoferskeho instituta za keramiske technologije (IKTS) a systemy zdźěłany požadanski film „Fabrika přichoda Łužica – wotmołwy na globalny hłód za resursami“ je nětko zjawnje w interneće přistupny. W třoch mjeńšinach předstaja widejo zakładnu ideju wulkoslědźerskeho centruma za wodu, energiju a zežiwjenje we Łužicy.

Z namjetom „Fabrika přichoda Łužica“ wobdźěli so konsorcij – su to Fraunhoferska towaršnosć, Techniskej uniwersiće Drježdźany a Freiberg, Wysoka šula za techniku a hospodarstwo Drježdźany a Wysoka šula Žitawa/Zhorjelc – na idejowym wubědźowanju zwjazkoweho ­ministerstwa za kubłanje a slědźenje (BMBF) „Wěda twori perspektiwy za region!“. Zaměr wubědźowanja je, najlěpše koncepty za wulkoslědźerskej centrumaj we łužiskim kaž tež srjedźoněmskim brunicowym rewěrje namakać.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND