Prěnjej złotej medali za Němsku

srjeda, 28. julija 2021
artikl hódnoćić
(0 )
Dorothee Schneider, Isabell Werth a  Jessica von Bredow-Werndl su wčera w Tokiju złotu medalju w mustwowej dresurje dobyli.  Foto: pa/nordphoto gmbh/Lafrentz Dorothee Schneider, Isabell Werth a Jessica von Bredow-Werndl su wčera w Tokiju złotu medalju w mustwowej dresurje dobyli. Foto: pa/nordphoto gmbh/Lafrentz

Tokio (kh/SN). Na třećim wubědźowanskim dnju olympiskich hrow w Tokiju je němske mustwo prěnjej złotej medali dobyło. Ricarda Funk wubědźi sej tajku w kanuslalomje před Maialen Chourraut ze Španiskeje. Třeće městno wobsadźi ­faworitka Jessica Fox z Awstralskeje. Dalše złoto za Němsku je samsny dźeń k tomu přišło. Konjaca sportowča Isabell Werth swjećeše z němskim dresurowym mustwom znowa olympiske dobyće. Zhromadnje z Dorothee Schneider a Jessicu von Bredow-Werndl je sej 52lětna Werth złoto w mustwowej dresurje suwerenje zawěsćiła. To bě jeje sedma złota medalja na olympiskich hrach. Mustwowe slěbro dźěše na USA, bronza na Wulku Britanisku.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND