Donětka najwuspěšniši dźeń němskeho teama

štwórtk, 29. julija 2021
artikl hódnoćić
(0 )
Prěnju němsku medalju w sportowej družinje judo zawěsći sej Eduard Trippel z Rüsselsheima.  Foto: pa/Robin Utrecht Prěnju němsku medalju w sportowej družinje judo zawěsći sej Eduard Trippel z Rüsselsheima. Foto: pa/Robin Utrecht

Tokio (kh/SN). Němscy dresurowi jěcharjo su dale klasa­ za sebje. Dźeń po dobyću złoteje medalje z mustwom stej so Jessica von Bredow-Werndl a Isa­bell Werth we wubědźowanju jednotliwčow wo dalšu hwězdnu hodźinu na olym­piadźe postarałoj. Bredow-Werndl doby swoju druhu złotu medalju na lětušich hrach před krajanku Werth. Třeća a tak na bronzowym městnje bě Char­lotte Dujar­din z Wulkeje Britaniskeje.

Prěnju němsku medalju w sportowej družinje judo zawěsći sej Eduard Trippel. Wón je drje finale přěhrał, ale so nad slěbrom­ njesměrnje wjeselił. Lasha Bekauri z Georgiskeje bě dobyćer. W rjedźe medaljow faluje na pjatym wubě­dźo­wanskim dnju jenož hišće bronzowa za Němsku. Wo nju postaraštaj so Patrick Hausding a Lars Rüdiger w synchronowym skakanju z třimeterskeje wěže. Za nošerja chorhoje Hausdinga běše to mjeztym třeća olympiska medalja. Tež płuwarka Sarah Köhler zahori z bronzu na 1 500 metrow w swobodnym stilu. Tak je Němskej prěnju olympisku medal­ju po 13 lětach zaručiła.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND