Sakski krajny wobswětowy zarjad je wčera wuslědki monitoringoweho lěta 2020/2021 wo wjelkach wozjewił. Tak zwěsćeja, zo jenož ličba wjelkow njepřiběra, ale zo je tež wjac teritorijow, w kotrychž je rubježnik doma.
Drježdźany (SN/JaW). W Sakskej je ličba wobkrućenych wjelčich teritorijow na 34 rozrostła. To su tři wjac hač před lětom, kaž z wuslědkow monitoringoweho lěta 2020/2021 wuchadźa, kotrež je Sakski krajny zarjad za wobswět, ratarstwo a geologiju (LfULG) wčera wozjewił.
