W Budyšinje a Kamjencu ramikowe wuměnjenja dokładnje pruwuja
Budyšin/Kamjenc (SN/BŠe). Pohonjeć produkciju wobnowjomnych energijow w Němskej je jedyn z hłownych zaměrow noweho zwjazkoweho knježerstwa, předewšěm hladajo na nowe wětrniki a solarne připrawy. Za to maja komuny financne powabki k dispoziciji, kotrež wěste dochody garantuja. Hdźe pak móža tajke připrawy nastać?
Jako hłowny instrument za twar wětrnikow słuži regionalny plan, hdźež su hodźace so płoniny woznamjenjene. Tuchwilu plan dale wjedu a konkretizuja. W běhu procesa jednotliwe přestrjenje dokładnje kontroluja, hdźež posudźuja fachowcy aspekty kaž kulturne pomniki, krajinowe hladanske a estetiske kajkosće, pomnikoškit abo zwěrinoškitne płoniny.
