Statne zrěčenje by w marketingu Łužiskeje jězoriny něštožkuli wolóžiło
Zły Komorow (SN/at). Dwójneje zamołwitosće dla je tempo wuwića Łužiskeje jězoriny, kotraž so po braniborskim a sakskim dźělu Łužicy wupřestrěwa, haćene. To měnja w Turistiskim zwjazku Łužiska jězorina. „Za hosća krajna mjeza relewantna njeje“, rjekny jeho jednaćelka Kathrin Winkler powěsćerni dpa w předpolu dźesateje róčnicy wobstaća wažneje marketingoweje towaršnosće, kotraž zajutřišim, sobotu, budźe. Winkler „přeje sej statne zrěčenje, kotrež zhromadne dźěło wolóža“. Konkretnje spěchowanske srědki nastupajo, dokelž „někotrežkuli hodźi so tuchwilu jeno z jara dobrej wolu zarjadow rjadować“.