Z 3D-ćišćakom za metal skića kupcam nowy serwis w Čornej Pumpje
Čorna Pumpa (JoS/SN). Specielnje na potrjebu kupcow přiměrjena, z kompjuterom wodźena skowanska připrawa 3D je wčera we hłownej wuporjedźerni Łužiskeje energije a milinarnje (LEAG) w Čornopumpskim industrijnišću dźěłać započała. Předewzaće rěči w nowinskej zdźělence wo „w hospodarstwje Němskeje dotal nowotnym serwisu za material šonowacu reparaturu wulkich twarskich dźělow mašinow z wocla, kaž su to wale, zubate kolesa abo wóski“ wotnožki LEAG MCR Engineering Lausitz GmbH. W tymle zwisku je předewzaće nowy wobchodniski wobłuk MCR Metal Print wutworiło.
