Wosrjedź septembra zahaja 21. łužiske rybowe tydźenje

Němske Pazlicy (AK/SN). Łužiske rybowe tydźenje identitu a domjace tworjenje hódnotow skrućeja. Wone k zwičnjenju jara přinošuja, kaž projektna managerka za turizm a marketing z Marketingoweje towaršnosće Hornja Łužica-Delnja Šleska (MGO) Lisa Willenberg podšmórnje.

21. łužiske rybowe tydźenje wotměwaja wot 17. septembra hač do 31. oktobra. Wopytowarjo móža łójenje rybow dožiwić a so po hatach wodźić dać. Nimo toho wabja wšelake wiki a nazyma je stajnje dobra składnosć, tradicionelne kaž tež moderne jězdźe z čerstwje přihotowaneje domjaceje ryby woptawać. Oficialny zhromadny start lětušeje karpoweje sezony w Sakskej a 21. łužiskich rybowych tydźenjow budźe 17. septembra w Zezschwitzec hatarstwje w Němskich Pazlicach.