Kupjele wojuja ze stupacymi energijowymi płaćiznami
Budyšin/Krušwica/Wojerecy (SN/BŠe). Stupacych energijowych kóštow dla njedyrbja jenož přetrjebarjo lutować, ale tež wobhospodarjo kupjelow. Přiwšěm ma wopyt hosći dožiwjenje wostać, rěka z Wojerowskeje Łužiskeje kupjele. Tam dóstanu ćopłotu z Čornopumpskeje milinarnje a tuž jich płunowa kriza njepotrjechi. Přiwšěm pak maja wysoke zličbowanki za milinu. Hižo wot lěta 2012 spytaja tam wobhospodarjenje objekta optiměrować. Wobswětlenje su krok po krok na LED-techniku přestajili. Zdźěla su samo nowe připrawy kaž na přikład klumpy zatwarili, kotrež wo wjele mjenje miliny přetrjebaja. Pod smužku so tole chětro wudani. Dale su zamołwići objekt do klimatiskich conow zarjadowali a tam temperatury přiměrili. Wažne pak jim je, zo su naprawy zmysłapołne a za hosći lědma čujomne.
