Zaměrowy zwjazk Łužiska jězorina Braniborskeje 2022 z dobrym facitom
Košyna (AK/SN). Zaměrowy zwjazk Łužiska jězorina sezonu 2022 wuspěšnje zakónči. To je předsyda zwjazka Detlev Wurzler minjenu póndźelu we wobłuku lětneho zhladowanja w Košynje podšmórnył. Dohromady je 61 000 hosći přišło, štož běše jasnje wjace hač 2019. Zwjazk je z 278 000 přenocowanjemi nowy rekord zwěsćił. Jich je 6,5 procentow wjace hač w dokoronowym lěće 2019, stopnjowanje nastupajo ličbu campingowych přenocowanjow wučinja 14 procentow. Za referentku zwjazka Danu Hüttner „je naš najlěpši měsac sezony 2022 apryl z jutrownymi prózdninami“.