Doprědkarska nalada w kaolinowni w Kamjenej

srjeda, 23. nowembera 2022
artikl hódnoćić
(0 )
Stary a nowy šef Kamjenjanskeje kaolinownje: Thomas Scholze (naprawo) je Helmutej Stuchtrupej jara dźakowny, zo steji wón jemu ze swojimi bohatymi nazhonjenjemi hišće hač do kónca lěta k dispoziciji.  Foto: Uwe Menschner Stary a nowy šef Kamjenjanskeje kaolinownje: Thomas Scholze (naprawo) je Helmutej Stuchtrupej jara dźakowny, zo steji wón jemu ze swojimi bohatymi nazhonjenjemi hišće hač do kónca lěta k dispoziciji. Foto: Uwe Menschner

Po lětach njewěstoty wotewrja so za tradicionalny zawod při dróze B96 nowe perspektiwy. Přewróty na wikach, ale tež swójske ideje to zmóžnichu. A maja noweho šefa.

Słónco so swěći nad wotkrytej jamu kaolinownje w Kamjenej w gmejnje Rakecy. Hoberske bagry zarywaja so do běło zybolaceje kamjeniny, transportuja ju na běžacy pas, z kotrehož dóstanje so drohotna surowizna k dalšemu předźěłanju. Wobraz, kotryž je so w poslednich lětdźesatkach lědma změnił – a tola je so spočatk měsaca nowa doba započała. Helmut Stuchtrup, kotryž je w poslednich wosom lětach wotežki tradicionelneho zawoda w rukomaj měł, zakónči kónc lěta swoje aktiwne powołanske žiwjenje. Jeho naslědnik Thomas Scholze bě hižo 1. nowem­bra poziciju nawody zawoda přewzał, kotruž wón nětko hač do 31. decembra zhromadnje z Helmutom Stuchtrupom wukonja.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND