Braniborska oficialnje pjeć lět změny strukturow bilancuje – Sakska hišće nic

Budyšin (SN/BŠe). Mjeztym hižo pjeć lět čerpaja akterojo z Łužicy z wosebiteho pjenježneho hornca, kotryž Zwjazk za změnu strukturow regiona k dispoziciji staja. Z cyłkownje 40 miliardami eurow spěchuja projekty, kotrež k změnje strukturow přinošuja. Nimale dźesać miliardow toho chcedźa w Braniborskej wudać. A prěnje wuspěchi su tam hižo nažnjeli. W Choćebuzu nastawa nowa twornja ICE, hdźež budźe jónu 1 200 ludźi dźěłać.