Město Běła Woda kritizuje rozsud Zwjazkoweho zarjada za hospodarstwo a kontrolu wuwožowanja (Bafa), nowotwar stejnišća w měsće cofnyć. Friedrich Merz měł so za stejnišćo zasadźeć.

Běła Woda (AK/SN). „Powěsć wo wotprajenju je mje jara překwapiła“, rjekny wyša měšćanostka Katja Dietrich (SPD) na minjenym posedźenju měšćanskeje rady kónc februara. „Nowotwar zarjada bu nam kruće připrajeny. Z Drježdźanskej Techniskej uniwersitu smy samo hižo wo wuhotowanju twara rěčeli.“ Sakski ministerski prezident Michael Kretschmer (CDU) a bywši zwjazkowy minister za hospodarstwo a energiju Peter Altmayer (CDU) nowotwar podpěrujetaj.