Zawod LEAG Pellets zhladuje z pozitiwnej bilancu na minjene połlěto. Z cyłkownje 492 000 tonami brunicowych briketow su wotbytk loni wo 12 procentow porno předlětu zwyšili. W samsnym času předachu 350 000 tonow peletow z drjewa, štož je stopnjowanje wo 13 procentow.

Hamor (SN/BŠe). Z tutym wotbytkom je předewzaće LEAG Pellets, kotrež ma stejnišća w Němskej, Skandinawiskej a Baltikumje, mjeztym druhi najwjetši producent peletow w Europje. W Němskej su wšitcy štyrjo zhotowjerjo peletow loni prěni raz wjac hač štyri miliony tonow tutoho­ tepiwa produkowali. Něhdźe 760 000 instalowanych tepjenskich systemow w kraju z peletami tepi.