Wulke Rědorjecy (dpa/SN). Drježdźanski běrow „Code Unique Architekten“ je wubědźowanje architektow wo nowonatwar měšćanskeje cyrkwje we Wulkich Rědorjecach dobył. Wón přesadźi so přećiwo 14 sobupožadarjam ze Sakskeje, Berlina a Bayerskeje. Pózdnjobarokowy Boži dom bě so w awgusće 2023 palił, při čimž so tež nutřkowne wuhotowanje z lětstotki starymi wuměłskimi twórbami zniči. Třećina markantneje cyrkwineje wěže so sypny. Přičina wohenja běše zapalerstwo.