Zamołwići Alstom ministerce Kraushaar plany za wutwar předstajili

Budyšin (SN/MiP). Budyske stejnišćo koncerna Alstom je Sakska statna ministerka za infrastrukturu a wuwiće kraja Regina Kraushaar wčera zhromadnje ze serbskim zapósłancom w Sakskim krajnym sejmje Markom Šimanom (wobaj CDU) wopytała. Při Přišečanskej dróze na južnej stronje Budyskeje wagonownje, w susodstwje hakle w januarje poswjećeneje noweje produkciskeje hale, wobhladaštaj sej zhromadnje z Budyskim wyšim měšćanostu Karstenom Vogtom (CDU) městnosć za planowany nowy logistiski centrum předewzaća.