Po tydźenjach suchoty su drje minjene sylne zliwki situaciju w sakskich wodźiznach trochu wolóžili. Přiwšěm je w mnohich rěkach tež w Budyskim wokrjesu dale přemało wody.

Budyšin (SN/MiJ/LiH). Spadki njejsu dotal dosahali, zo bychu w běhu wjacorych tydźenjow nastaty deficit wody dospołnje wurunali. W mnohich wodźiznach bě mnóstwo wody jenož něšto hodźin na normalnym stawje, po tym zaso spadny. Trajnje mało wody poćežuje wodźizny a jich ekosystemy a pokazuje, kak so dlěše periody suchoty na nje wuskutkuja.