Pozitiwny trend: Předewzaćeljo wjesela so nad wjac wučomnikami

Budyšin Mechatronikar za awta, mechanikar připrawow za sanitarnu, tepjensku a klimatisku techniku kaž tež elektronikar su tuchwilu najwoblubowaniše powołanja. Ličba wotzamknjenych wukubłanskich zrěčenjow na teritoriju Drježdźanskeje rjemjeslniskeje komory leži aktualnje cyłkownje pola 1 248, to je wjac hač loni w juliju (1 068). „Mjezybilanca je pozitiwna, doskónčne ličby změjemy kónc lěta. Zawody chcedźa ludźi wukubłać a pytaja motiwowanych młodostnych“, praji hłowny jednaćel rjemjeslniskeje komory, Andreas Brzezinski.