Bulsan (SN/BŠe). Mjez turistami woblubowana přesmykowa dróha Grödner Joch w Južnym Tirolu ma so za wobchad masiwnje wobmjezować. Přičina je, zo za čas dowoloweje sezony wšědnje dohromady něhdźe 11 000 jězdźidłow po njej jězdźi. Dotal bě plan, zo smě so wot 1. septembra jenož hišće z wosebitej dowolnosću wužiwać. Diskusija wo dalšim kroku, wobchad na 150 jězdźidłow wob dźeń wobmjezować, je wulku kritiku tež tamnišeje mjeńšiny Ladinjanow wuskutkowała. Nětko pak chcedźa zamołwići najprjedy raz testowu fazu zahajić.