W sakskich a łužiskich městach a wsach mjez Budyšinom a Wojerecami ma wjele wobydlerjow samsny problem: Płaćizny za energiju, předewšěm za tepjenje, lěto wob lěto stupaja. Štož bě dotal zapłaćomne, wobradźa wjele domjacnosćam přiběrajcy starosće.

Budyšin (SN/jp). Wobydlerjo, kotřiž w staršich twarjenjach bydla, tepja často z wolijom. Woni dyrbja tuchwilu chětro hłuboko do móšnje přimnyć, hdyž chcedźa swoje tanki napjelnić dać. Před pjeć lětami su w awgusće za to hišće mjez 69 a 79 centow za liter zapłaćić dyrbjeli. Tuchwilu žadaja sej wikowarjo tepjenskeho wolija wokoło Budyšina něhdźe 1,33 eurow na liter. A płaćizny dale stupaja, jelizo na Bliskim wuchodźe bórze měr njeknježi. Naprašowanje Serbskich Nowin pola wikowarjow tepjenskeho wolija w regionje běše bjez wuslědka.