Centrum za bydlenje a twarjenje slědźi za nowym twarskim materialom

Wojerecy (AK/SN/CeK). Wojerecy wusměrjeja so w změnje strukturow na slědźenje a wupruwowanje noweho twarskeho materiala. W aprylu 2027 ma centrum za twa­rjenje a bydlenje Łužiskeho technologiskeho centruma LAUTECH hotowy być. „Wuwiwamy projekt za cyłu Łužicu“, podšmórnje jednaćelka Kathrin Schlesinger minjeny pjatk na derje wopytanym wobydlerskim­ zarjadowanju „Prašej so wyšeho měšćanosty“ w měšćanskej bibliotece. Cyłkowne kóšty wučinjeja šěsć milionow eurow. Projekt spěchuje nimale kompletnje zwjazkowe ministerstwo za hospodarstwo a energiju. Swójski podźěl LAUTECH wučinja 150 000 eurow.