Wjacore lajske chóry hotuja so na dalšej předstajeni oratorija ...
pjatk, 07. apryla 2017
spisane wot: Janek Wowčer
Wjacore lajske chóry hotuja so na dalšej předstajeni oratorija „Serbske jutry“ sobotu, 6. meje, w Drježdźanach a dźeń pozdźišo w Budyšinje. Zhromadne proby su tuž njeparujomne. Jutře w 14.30 hodź. zetkaja so spěwarki a spěwarjo k dalšemu zwučowanju pod nawodom Friedemanna Böhmy w Chróšćanskej „Jednoće“. Foto: Feliks Haza
Wot dźensnišeho do njedźele wotměwaja so tež w Hornjej Łužicy ...
pjatk, 31. měrca 2017
spisane wot: Měrćin Weclich
Wot dźensnišeho do njedźele wotměwaja so tež w Hornjej Łužicy Europske dny wuměłskeho rjemjesła. Mjez druhim móža zajimcy do Wojerowskeho Wjacsławkec drastoweho domu załožić a přihladować, kak tam w módroćišćowym kabineće z „ruku dźěłaja“. Foto: SN/Ulrike Herzger
Hodźinu mjenje změje nóc wot soboty na njedźelu, dokelž započnje ...
pjatk, 24. měrca 2017
spisane wot: Serbske Nowiny
Hodźinu mjenje změje nóc wot soboty na njedźelu, dokelž započnje so lětni čas. Stajnje posledni kónc tydźenja w měrcu so časniki njedźelu w 2 hodź. wo hodźinu doprědka staja. Foto: SN/Maćij Bulank
Serbscy awtorojo na knižnych wikach
štwórtk, 23. měrca 2017
spisane wot: Dr. Cordula Ratajczakowa
Lipsk (SN/CoR). Lipšćanski wobydlerski komitej přeproša jutře, 24. měrca, w 16 hodź. do wopomnišća Museum in der Runden Ecke am Dittrichring 24. Tam předstaji historikar dr. Timo Meškank w rozmołwje ze sakskim krajnym społnomócnjenym za podłožki stasi bywšeje NDR Lutz Rathenow knihu „Sorben im Blick der Staatssicherheit“.
Jutře, pjatk, w 20 hodź. wobdźěli so basnica Róža Domašcyna ze zběrku „Die dörfer unter wasser sind in deinem kopf beredt“ na čitanju njewotwisnych nakładnistwow w kofejowni hrajnišća Lindenfels Westflügel na Hähnelowej dróze 27.
Sobotu, 25. měrca, w 13 hodź. prezentujetaj LND a wudawaćel Jürgen Maćij zwjazkaj historiskich fotografijow z Hornjeje a Delnjeje Łužicy „Wotmolowane“, a to na forumje za wěcne knihi w hali 3, stejnišćo E201. Zarjadowanje moderěrować budźe kulturny historikar prof. dr. Bernd Lindner.
Sobotu wot 20.15 hodź. wobdźěla so mjez druhim Róža Domašcyna, Hanka Šołćic a Milan Hrabal na Lipšćanskej nocy přełožowarjow, kotraž budźe w nakładnistwje Leipziger Literaturverlag na Brockhausowej 56.
Z tradicionalnymi hornčerskimi wikami zahaja na Rěčičanskim ...
pjatk, 17. měrca 2017
spisane wot: Janek Wowčer
Z tradicionalnymi hornčerskimi wikami zahaja na Rěčičanskim Ehrlichtec dworje njedźelu, 26. měrca, nowu sezonu. Nimale 50 rjemjeslnikow ze Sakskeje, Braniborskeje a Durinskeje je přizjewjenych, mjez nimi hornčerski mišter Günter Meißner z Trebusa pola Hähnichena, kaž z Rěčic zhonichmy. Foto: Foto: Marion Girth
Kaž wjedrarjo wěšća, móžemy so róžowu póndźelu w Hornjej ...
pjatk, 24. februara 2017
spisane wot: Měrćin Weclich
Kaž wjedrarjo wěšća, móžemy so róžowu póndźelu w Hornjej Łužicy na słónčne wjedro wjeselić. Hač do njedźele pak wostanje po jich prognozy skerje měnjate. Póstniskim noram w Kinsporku, Choćebuzu, Šěrachowje a Kulowje drje wjedrowe kapriole skerje ničo njewučinjeja. Z mócnym „helaw“ spěwaja so woni na karnewalu do wutrobow ludźi. Foto: SN/Maćij Bulank
„Supergute Tage oder Die sonderbare Welt des Christopher Boone“ ...
pjatk, 17. februara 2017
spisane wot: Janek Wowčer
„Supergute Tage oder Die sonderbare Welt des Christopher Boone“ rěka inscenacija Budyskeho Němsko-Serbskeho ludoweho dźiwadła, kotraž ma dźensa premjeru. 15lětny Christopher nańdźe susodźic psa mortweho a stajnje so zdobom podhladny. Spěšnje so wujasni, zo je njewinowaty. Policija pak přestanje slědźić, a Christopher započina sam winika pytać. To njeje lochko, dokelž je wón aspergerski awtist a dóstawa mjez ludźimi paniku. W režiji Stefana Wolframa agěruja na jewišću mjez druhim Marvin George, Tomaš Cyž a Pauline Leitner (wotlěwa). Dalše předstajenje budźe jutře w 19.30 hodź. Foto: Mirosław Nowotny
Wustajeńca „mal mahl“ wuměłca z mjenom dekern w Korzymskej ...
pjatk, 10. februara 2017
spisane wot: Serbske Nowiny
Wustajeńca „mal mahl“ wuměłca z mjenom dekern w Korzymskej galeriji Flox traje hišće hač do 19. měrca. Pokazuja tam mólby, skulptury a objekty ze zašłych nimale dwaceći lět. Foto: SN/Maćij Bulank
Nory so hižo wjesela
štwórtk, 02. februara 2017
spisane wot: Marian Wjeńka
Serbske Pazlicy. Serbskopazličanske karnewalowe towarstwo bliži so wjerškej swojeje 47. sezony. Tohodla přeprošuje wone pod hesłom „Ničo njewostanje kaž je“ zhromadnje z princowskim porom Danielom II. a Bernadetu I. na wjacore zarjadowanja do Njebjelčanskeje „Bjesady“. Na sobotomaj, 18. a 25. februara wotmějetej so tam stajnje w 19.30 hodź. kapičkowej wječoraj. Dale wuhotuja 19. februara w 15 hodź. póstnicy za seniorow, štwórtk, 23. februara, w 19.30 hodź. žónske póstnicy, sobotu, 25. februara, w 14 hodź. dźěćace póstnicy a 27. februara w 19.30 hodź. woswjeća róžowu póndźelu. Zastupne lisćiki dóstanu zajimcy pola Hübenthalec (tel. 03578/ 303 505) wšědnje wot 17 hodź. a při wječornej kasy.
Cyganska reja słuša do wjerškow lětušeho jubilejneho ...
pjatk, 27. januara 2017
spisane wot: Milenka Rječcyna
Cyganska reja słuša do wjerškow lětušeho jubilejneho ptačokwasneho programa Serbskeho ludoweho ansambla „Dejmantne a hinaše ptački“. Na nju móža so hižo wopytowarjo zarjadowanja dźensa wječor w Radworju, jutře w Slepom a njedźelu w Kulowje wjeselić. Jako hosća witaja po delnjołužiskej premjerje nětko tež w Hornjej Łužicy, Měrćina Weclicha. Foto: SN/M. Bulank
