Dobyće zasłužene było

wutora, 04. septembera 2018
artikl hódnoćić
(0 )
Škitarjo Sokoła Ralbicy/Hórki Bosćij Bjeńš, Fabian Korjeńk a Křesćan Matka (wotprawa) mějachu na Horach wosebje  w druhim połčasu tójšto dźěła, dokelž chcyše hosćićel z gwałtom wurunać. Samo nadběhowar Sokoła Pětr Domaška (nalěwo, schowany), kiž bě so wo 1:0 za hosći postarał, je tu zady wupomhał.  Foto: Jörg Stephan Škitarjo Sokoła Ralbicy/Hórki Bosćij Bjeńš, Fabian Korjeńk a Křesćan Matka (wotprawa) mějachu na Horach wosebje w druhim połčasu tójšto dźěła, dokelž chcyše hosćićel z gwałtom wurunać. Samo nadběhowar Sokoła Pětr Domaška (nalěwo, schowany), kiž bě so wo 1:0 za hosći postarał, je tu zady wupomhał. Foto: Jörg Stephan

LSV Hory – Sokoł Ralbicy/Hórki 0:1 (0:1)

Zestawa hosći: Schöne – Matka, Schultz, B. Bjeńš, Hilbich (84. Budar), S. Bjeńš, Šołta, Rawš, Korjeńk, Domaška (74. M. Kurjat), G. Kurjat (90. J. Bjeńš)

Duele přećiwo Horjanskim koparjam tam abo doma běchu koparjam Sokoła Ralbicy/Hórki w minjenym času stajnje napjata naležnosć, tak tež nje­dźelu dopołdnja při sylnym dešću. Wot spočatka hač do kónca běchu dwuboje horce a hra w žanej sekundźe rozsudźena. Lěpši start na Horach mě­jachu hosćo z Ralbic. Zady stejachu woni poměrnje wěsće a w ofensiwje łakachu na zmylki. Tajke so w hrajnym natwarje domjacych hdys a hdys stachu, nažel pak Sokoljo je tak derje njewu­žiwachu. Po dalo­kim wotkopje jich wrotarja Willija Schöny so nutřkowny škitar z Horow zatrochowa. Pětr Domaška składnosć wuži a z hłójčku wrotarja k 0:1 přelesći (23.). Jenož pjeć mjeńšin pozdźišo wotpo­padny znowa Domaška bul swojeho přećiwnika, ale njedósta hraj­ny nastroj tak prawje pod kontro­lu. Hosćićeljo spy­tachu jeno z dołhimi třělwami k wuspěchej dóńć, sokołskaj škitarjej Bosćij Bjeńš a Andy Schultz pak wšitko z hłowu znješkód­ni­štaj.

wozjewjene w: Sport
Prošu přizjewće so, chceće-li komentar podać

Serbska debata

nowostki LND