Rom/Berlin (dpa/SN/bn). Narodnej koparskej mustwje Italskeje a Turkowskeje zahajitej dźensa w Romskim Olympiskim stadionje 16. europske mišterstwa (EM). Jubilejny turněr – prěnju EM běchu 1960 wuhrali – wuhotuja we wjacorych městach cyłeho kontinenta. Nimo italskeje stolicy su to Amsterdam, Baku, Budapest, Bukarest, Glasgow, Kopenhagen, Mnichow, Sevilla a Pětrohród. Finale budźe 11. julija w Londonskim Wembley-stadionje. Dohromady 24 cyłkow wubědźuje so w sydom skupinach wo kwalifikaciju za k.o.-koło. Faworića na EM-pokal su po sudźenju ekspertow wubranki Italskeje, Belgiskeje a Francoskeje, zakitowar titula je Portugal. Sewjerna Makedonska a Finska debitujetej na najwjetšim jewišću mjezynarodneje europskeje kopańcy.

Sport (11.06.21)

pjatk, 11. junija 2021 spisane wot:

Za běhi so přizjewić

Sportowe towarstwo Běła-Cunnersdorf přewjedźe lětsa tak mjenowany Žabjacy běh, a to 25. junija. Přizjewjenja su hišće móžne, někotři su so hižo zapisali. W poskitku maja tam běhaj na distancomaj 2 km a 9,6 km. Dalše wubědźowanja:

30.06. Krabatowy firmowy běh

11.07. VVO Hornjołobjowy marathon

28.08. KnappenMan

05.09. Cityjowy běh w Złym Komorowje

05.09. Blackbird-run w Hózku

24.09. Schiebock běha ekstremnje

26.09. Budyski crossowy duatlon

Situacija dale njejasna

Ze stron Sakskeho koparskeho zwjazka do redakciskeho kónca žana medijowa zdźělenka njepředleži hač smětaj krajnej ligistaj Budissa Budyšin a SC Freital zaso porjadnje trenować (to rěka z kontaktami mjez hrajerjemi) a 26. junija relega­cisku hru we Weißigu pola Drježdźan přewjesć. Wšitko tuž na to pokazuje, zo relegaciski duel dowoleny njebudźe, a zo dyrbitej los abo sportowe sudnistwo rozsudźić. Dobyćer tajkeho losowanja smě potom přichodnu sezonu we wyšej koparskej lize hrać.

Změny w kole sudnikow

NŠ Mura mišter Słowjenskeje

štwórtk, 10. junija 2021 spisane wot:

W Słowjenskej su w najwyšej koparskej lize z mjenom Slovenska Nogometna Liga­ mjeztym 30. hrajnu dobu přewjedli. Jeje zazběh bě 22. awgusta 2020 z do­mjacej partiju NK Tabor Sežana přećiwo FC Koperej, zakónčiła je so 22. meje 2021.

Kónčna tabulka najwyšeje koparskeje ligi Słowjenskeje w hrajnej dobje 2020/2021:

1. NŠ Mura 36 50:26 63

2. NK Maribor 36 64:41 63

3. NK Olimpija Ljubljana36 45:35 59

4. NK Domžale 36 52:41 55

5. NK Bravo 36 39:39 45

6. NK Tabor Sežana 36 40:44 44

7. NK Celje 36 36:41 43

8. NK Aluminij 36 31:41 43

9. FC Koper 36 41:56 42

10. ND Gorica 36 24:58 29

Wo mišterstwo hraje dźesać koparskich cyłkow kóždy přećiwo kóždemu dwójce doma a dwójce wonka. Dźewjaty tabulki dyrbi do relegacije, hdźež nastupi přećiwo druhemu druheje Słowjenskeje koparskeje ligi. Lětsa wosta FC Koper w prěnjej lize. Prěnju partiju doby wón pola NK Krka z 2:0, druhu je doma 2:3 snadnje přěhrał. Posledni tabulki awtomatisce zestupi a naruna so z mištrom druheje ligi. Kilian Hrjehor

Koparscy mištrojo zašłych 23 hrajnych dobow w Słowjenskej:

1998/1999 NK Maribor

1999/2000 NK Maribor

2000/2001 NK Maribor

2001/2002 NK Maribor

2002/2003 NK Maribor

2003/2004 ND Gornica

2004/2005 ND Gornica

2005/2006 ND Gornica

2006/2007 NK Domažle

2007/2008 NK Domažle

2008/2009 NK Maribor

2009/2010 FC Koper

2010/2011 NK Maribor

2011/2012 NK Maribor

2012/2013 NK Maribor

2013/2014 NK Maribor

2014/2015 NK Maribor

Sudnicy z wokrjesa Budyšin na so skedźbnili

štwórtk, 10. junija 2021 spisane wot:

Druha zwjazkowa liga a finale wo pokal Sakskeho koparskeho zwjazka – sudnicy Zapadołužiskeho koparskeho zwjazka (WFV) běchu pódla a su na so skedźbnili. Tež hdyž je zakładne wukubłanje sud­nikow w formje kursow a zasadźenjow na kopanišćach tučasnje jenož we wobmjezowanej formje móžne, runje refereeje z towarstwow WFV pokazuja, zo tež woni w ćežkej situaciji swój sportowy puć z wuspěchom kroča.

Tak móže sudniski wuběrk WFV rozprawjeć, zo je Richard Hempel wot Sportoweho zjednoćenstwa Großnaundorf skok do 3. ligi jako hłowny sudnik docpěł. A w druhej lize budźe Hempel jako asistent zasadźeny. Z njesprócniwym angažementom je so jemu skok do elitoweje ligi poradźił. Tak budźe Richard swoje nazhonjenja tež w přichodnej sezonje sudnikam spěchowanskeho kadra koparskeho zwjazka dale dawać­. Richardowy nan Uwe Hempel je nětko wobkedźbowar sudnikow w krajnej lize.

Znowa sławna Praska Slavia

srjeda, 09. junija 2021 spisane wot:

Nětko su tež w susodnej Čěskej koparske mišterstwa 2020/2021 zakónčene. W najwyšej hrajnej klasy Prima na poslednim dnju hižo k změnam w zaměstnjenju njedóńdźe – přewulke běchu wotstawki na medaljowych městnach kaž tež deleka na „wopuši“.

Slavia Praha je sej kaž hižo­ loni titul zawěsćiła. Ma na kóncu předskok dwa­naće dypkow před měšćanskim riwa­lom a rekordnym mištrom Spartu Prahu. Na třećim městnje skónči najlěpše zastup­nistwo ze sewjerneho dźěla kraja FK Jablonec. Bliski susod Slovan Liberec je na šestej poziciji. Před nim steji Vik­toria Plzeň, kotraž bě w lětach 2011, 2015 a 2016 najlěpša. Zestupić dyrbja kolektiwaj z Morawy FC Brno a SFC Opava kaž tež FK Příbram (město mjez Plzenjom a Prahu). Z 13. městnom spokojom drje budźe Dynamo České Budějovice, kotrež w tabulce před pjeć lětami hišće njewuhladachmy – tam běchu mjena kaž Vysočina Jihlava, Hradec Králové abo Dukla Praha. Mikławš Krawc

A to je kónčna tabulka sezony 2020/2021

1. Slavia Praha   85:20 86

2. Sparta Praha 82:43 74

3. FK Jablonec 59:33 69

4. 1. FC Slovácko 58:33 63

5. Viktoria Plzeň 60:45 58

6. Slovan Liberec 44:32 52

7. FK Pardubice 41:42 52

8. Baník Ostrava 48:38 49

9. Sigma Olomouc 40:46 45

10. Bohemians Praha 40:37 43

11. Mladá Boleslav 49:52 39

Po skakanju nětko dresura

srjeda, 09. junija 2021 spisane wot:
Po skakanskim turněrje spočatk junija je Jěchanske a jězdne towarstwo Njeswačidło minjeny kónc tydźenja dalše wubědźowanje přewjedło, a to w disciplinje dresura. Hłownje wubědźowachu so tam jěcharki a jěcharjo ze Sakskeje. Zamołwići běchu hnydom dwaj štyriróžkaj natwarili. Přihladowarjo znowa dowoleni njeběchu, přez livestream pak móžachu woni wurisanje sobu dožiwić. Foto: Jörg Stephan

Radworska koparska ikona

wutora, 08. junija 2021 spisane wot:

Hladaš-li na kruh serbskich koparskich ikonow, da sej tež jeho mjeno cyle jasnje wuwědomiš: Nico Buša! Jurij Bjeńš je 43lětnemu nanej třoch dźěći tójšto prašenjow k jeho karjerje stajił a mjez druhim zhonił,­ kotre­mu mustwu w Němskej wón wosebje palcy tłóči!

Nico, wot kotreho časa hižo za Radwor kopački šnórujeće?

N. Buša: 1984 sym jako šěsćlětny prěni raz w Radworju na kopanišću stał. Jako młodostny młodźiny A dźěch do Wul­keje Dubrawy, hdźež wosom lět za prěnje mustwo za bulom honjach. 2004 pak nawró­ćich so do Radworja, a tu sym hač do lěta 2017 sobu wo dypki wojował.

Kelko hrow to dohromady bě?

N. Buša: Dokładnje ličił wězo njejsym, jeničce za Radworske prěnje mustwo pak bě jich 250 do 300.

Sće hdy někajke zranjenja přetrać dyrbjał?

N. Buša: Ně, nastupajo wjetše zranjenja mějach dotal stajnje zbožo.

Maće někajkeho koparja za přikład, a sće přiwisnik wěsteho mustwa?

Tabulki (08.06.21)

wutora, 08. junija 2021 spisane wot:

Koparski dorost Braniborskeje

młodźina E, wokrjesna liga Delnja ­Łužica

1. Grodkowske ST E1 6 64 : 9 18

2. ST Dub Rogeńc 5 18 : 12 12

3. HZ Picnjo/ST Pśiłuk 5 23 : 17 9

4. JFV FUN 5 27 : 22 7

5. Gołkojčanske ST 1896 E1 5 21 : 21 7

6. ST Wacker E2-juniorojo 6 21 : 33 6

7. ST Łužica Baršć 5 15 : 22 3

8. SZ Gogolow 4 6 : 35 3

9. ST Žylow 3 2 : 26 0

młodźina E, wokrjesna klasa Delnja ­Łužica-srjedźa

1. KST Viktoria Choćebuz 7 55 : 7 19

2. Módro-běli Gogolowk 5 39 : 10 15

3. ST Wacker E3-juniorojo 6 40 : 17 13

4. Čerwj.-běli Žylowk E2 6 40 : 19 13

5. ST Kórjeń/ST Dešank4 23 : 16 7

6. ST Dubrawka 5 23 : 22 6

7. VfB Depsk 6 15 : 37 6

8. ST Dub Rogeńc II 5 20 : 29 3

9. VfB Choćebuz ’97 6 12 : 41 3

10. KST Viktoria Choćebuz II 6 14 : 44 3

11. ST Žylow II 6 12 : 51 3

młodźina E, wokrjesna klasa Delnja ­Łužica-sewjer

1. HZ Kśišow/Raduš 6 45 : 6 16

2. Čerwjeno-běli Žylowk E1 6 30 : 16 16

3. Čorno-běli Chójna 5 13 : 11 12

4. SZ Bórkowy Błóta e. V. 7 22 : 24 10

5. ST Šmrěk Chójany 5 18 : 16 9

6. JFV FUN 2 6 21 : 15 7

7. ST Łužica Baršć II 5 15 : 24 3

8. HZ Picnjo/ST Pśiłuk II 5 14 : 25 3

9. Gołkojčanske ST 1896 E2 5 15 : 35 2

10. HZ Drjenow/Hochoza 6 17 : 38 2

młodźina E, wokrjesna klasa Delnja Łužica-juh

1. Chusej/Drjowk/Lutol 5 52 : 8 15

2. Módro-běli 07 Grodk 6 46 : 20 13

3. TST 1903 Wjeliki Kólsk 6 55 : 24 12

4. Grodkowske ST E2 6 52 : 22 10

5. KST Grodk 6 33 : 18 9

6. HZ Lěšće/Derbno E1 6 43 : 29 9

7. HZ Lěšće/Derbno E2 5 26 : 26 9

8. ST Górjenow 5 19 : 26 6

9. SZ Gogolow II 5 8 : 76 0

10. Módro-běli Gogolowk II 6 1 : 86 0

młodźina F, wokrjesna liga Delnja Łužica

1. Grodkowske ST F1 4 35 : 6 12

2. Gołkojčanske ST 1896 5 36  :8 12

3. ST Wacker F1-juniorojo 4 22 : 3 12

4. ST Žylow 4 24 : 7 7

5. ST Łužica Baršć 5 9 : 27 4

6. JFV FUN 4 10 : 41 3

Henzl chce wostać

póndźela, 07. junija 2021 spisane wot:

Filipa Henzla znaja fanojo serbskeje kopańcy hižo wot jeho časa pola SJ Chró­sćicy. Tam hraješe wón w hrajnymaj dobomaj 2018/2019 a 2019/2020. Młody Čech, kiž bě w swojej dotalnej karjerje tež hižo pola­ FC Slovana Liberec II a TJ Spartaka Chrastava w susodnym kraju hrał, je so mjeztym tež pola­ Budissy Budyšin spěšnje přesadźił a sej městno jako stajny kopar wuwojował. Nažel pak bě wonkowny škitar tam w swojim prěnim hrajnym lěće w dohromady jenož we wosom winowatostnych partijach zasadźeny. Koronapandemije dla dyrbjachu sezonu loni w nowembrje přetorhnyć a zakónčić.

Za Henzela pak puć w měsće wěžow hišće nimo njeje, dokelž je zrěčenje z Budissu wo lěto podlěšił. David Matik

Młodźina F Sportoweje jednotki Njebjelčicy na Serbskopazličanskim sportnišću z trenarskej dwójku Robertom Lejnar­tom (druhi­ wotprawa, Njebjelčicy) a Pawlom Hrjehorjom (naprawo, Njebjelčicy) zaso prawidłownje pilnje trenuje, zo by so w prěnim rjedźe na hrajnu dobu 2021/2022 přihotowała. W minjenej sezonje je dorost Njebjelčanskeje SJ w šěsć mustwach hrał. W młodźi­nomaj A a B tworjachu koparjo hrajnej zjednoćenstwje ze Sportowej jednotku Chrósćicy a Sportowym towarstwom Marijina hwězda, w młodźinje C ze Sokołom Ralbicy/Hórki a Pančičanami. W młodźinje F, E a D wostachu Njebjelčanske mustwa­ samostatne. Foto: Konstantin Hrjehor

nawěšk

SERBSKE NOWINY podpěruja:

Novi Sad – kulturna stolica Europy

nowostki LND