Po dobyću na 2. městnje

srjeda, 27. nowembera 2019 spisane wot:

FC Energija Choćebuz – VfB Germa­nia Halberstadt 1:0 (1:0)

Zestawa domjacych: Moser – Borgmann, Müller, Koch, Zickert, Eisenhuth, Bektić, Yildirim (90. Hoppe), Taz (82. Beyazit), Brügmann, Broschinski

Dokelž njemóžachu někotři konkurenća na 16. hrajnym dnju połnje dypkować, skrosnowa so FC Energija Choćebuz po wuspěchu 1:0 přećiwo wot zestupa wohroženej Germaniji Halberstadt na tabulkowe městno dwaj. Tak drje dosahaše jednore dobyće, kotrež pak by móhło wyše wupadnyć, byštej-li třělwje Moritza Broschinskeho do žerdźe a Felixa Brügmanna do łaty wrotow šłoj. Tuž dyrbješe so faworit hač do kónca wo tři dypki starosćić. Nimo toho bě w přidatnym hrajnym času tež hišće wurjadna parada Lennarta Mosera trěbna, zo bychu Łužičenjo dypki doma zdźerželi.

Silwesterski běh

srjeda, 27. nowembera 2019 spisane wot:
Na internetowych stronach www.baer-service.de smědźa so zajimcy za lětuši 53. Budyski silwesterski běh přizjewić, ko­tryž přewjedźe Budyske lochkoatletiske sportowe towarstwo Čerwjeno-běli 31. decembra. Start a cil budźetej w stadionje Młynkec łuka, čary 2,5 km / 5,3 km a 10,6 km powjedu do Humboldtoweho haja.

Serbscy starterojo nimale wšitcy počesćeni

srjeda, 27. nowembera 2019 spisane wot:

Tradicionalne běhi wokoło Brusni­ka dale woblubowane

W Běłej Wodźe wokoło idyliskeho Brusnika su mjeztym 27. króć woblubowane wurisanje běharjow přewjedli. 295 sportowcow wot lětnika 1932 hač k 2015 je so na jednej, swojej starobje wotpowědnej distancy 0,8 km, 2,0 km, 5,0 km abo 10 km wubědźowało. Mjez nimi běše kaž kóžde lěto tež zaso horstka Serbow. Běhi hódnoćachu hišće za lětušu rjadnu lisći­nu Delnjołužiski cup a za Pokal wjercha Pücklera. Wobdźělnicy běchu hłownje z wobeju Łužicow, Choćebuza, Drježdźan, Berlina a dalšich kónčin Sakskeje a Braniborskeje.

Wučerjo SGB dotal sylni

wutora, 26. nowembera 2019 spisane wot:

Wučerjo-wolejbulisća Serbskeho gymna­zija Budyšin SGB su 53. sezonu wo­krjesnych mišterstwow při wysokim saku w Lubiju z dobyćomaj zahajili. Woni nawjeduja nětko tabulku šěsć startowacych šulow hač k druhemu hrajnemu dnjej w měrcu 2020.

Po zakónčenju 52. sezony wokrjesnych mišterstwow pedagogow we wolejbulu w meji tež w tutym šulskim lěće šěsć cyłkow při wysokim saku wo kóždy dypk wojuje. Hłowny organizator turněra, wučer Mario Köhler z Lubijskeje Pestalozzijoweje šule, powita w tamnišej sportowni nimo muskich kolegow tež wosom wolejbulistkow, štož jara zwjesela.

Tule so koparjo Budissy Budyšin hišće wjeselachu, po tym zo běchu 1:0 přećiwo Jednoće Kamjenc třělili. Po 90 mjeńšinach pak wo­pušćichu jeje hrajerjo Budysku Młynkec łuku z wysokim dobyćom 7:1. Jednota je dale njeporaženy načolnik tabulki, Budis­sa steji w srjedźnym polu. Foto: Torsten Zettl

Doma suwerenje dobyli

wutora, 26. nowembera 2019 spisane wot:

SJ Chrósćicy – FSV Wódrjeńca 02 3:0 (2:0)

Zestawa domjacych: Králíček – B. Cyž, F. Cyž, Sentivan, Henzl, G. Zahrodnik, Bina, Matješk (68. Mark), F. Zahrodnik (79. Donat), M. Zahrodnik (81. Handrik), Bogusz

Kónčna stacija we wosmifinalu

wutora, 26. nowembera 2019 spisane wot:

Drohotka Ramnow

– ST Marijina hwězda 5:0 (1:0)

Zestawa hosći: Matik – R. Cyž, Hawš, K. Pakoßnick (65. Čornak), Lipič, Pesch­mann (75. Langer), Ch. Cyž, Jurš, Wróbl, Šołta (65. Melnyk), Pjetaš

W třećim kole wokrjesneho pokala dyrbjachu koparjo ST Marijineje hwězdy pola tučasneho druheho wokrjesneje wyšeje ligi w Ramnowje nastupić, hdźež pak wysoko podležachu. Zaso wjacori w jich rjadach pobrachowachu, a tak dyr­bje­še trenar Bodo Pjetaš, zastupo­wacy Erwina Kleinmanna, nimale cyłe mustwo přestajić. Spočatna faza bě wurunana. Domjacy wšak dominowachu a wu­žichu hnydom prěnju składnosć pokalneho duela. Překrótko wotwobarany bul po róžku třěli Marco Schlegel, na kromje šěsnatki stejacy, z wulkotnej wolej-třělwu njedźeržomnje do klětki (26.). Dalšu šansu měješe domjacy nadběhowar, jako po rjanej přihrawce nadobo sam na wro­ta běžeše a bul wyše Dawida Ma­ti­ka zběhny, wrota pak wo centimetry misny (30.). W 40. min. mějachu klóšterscy ko­pa­rjo zbožo, jako třělwa z 20 metrow jenož na łatu prasny. Woni njemějachu w prěnim połčasu ani jednu móžnosć.

Z ćopłej čapku do zymskeho časa

wutora, 26. nowembera 2019 spisane wot:
Njebjelčanska koparska młodźina D je za hry a trening ćopłe čapki dóstała. Wose­bje dorostowe mustwa podpěra sponsorow přeco zaso zwjesela. Pomoc, wšojedne w kotrym­ wobłuku, je za wukubłanje młodych koparjow jara wažna­. Čapki z Kamjenskeho sportoweho wobchoda Trikotfreunde je rjemjeslnik Tomaš Kral z Njebjelčic dźěćacemu mustwu Njebjelčanskeje SJ přewostajił. Jemu na tutym městnje wutrobny dźak. Foto: Tadej Cyž-Njebjelčanski

Wuslědki (26.11.19)

wutora, 26. nowembera 2019 spisane wot:

Kopańca, krajna klasa

Ćisk – Drježdźanski SC  2:3 (0:0)

Drježdź.-Strěžin – Borea Drježdź. 1:1 (0:0)

Rakečanske ST – Großröhrsdorf 1:0 (1:0)

Weixdorf – Drježdź.-Laubegast 0:0 (0:0)

Rěčicy – Běła Woda0:1 (0:0)

Trjebin – Rotacija Drježdźany 0:4 (0:1)

1. Drježdźany-Laubegast 12 42 : 16 27

2. TSV Rotacija Drježdźany 12 34 : 13 26

3. SZ Drježdźany-Strěžin 12 31 : 16 25

4. SC Borea Drježdźany 12 29 : 22 21

5. SC Großröhrsdorf 12 15 : 15 18

6. ST Trjebin 12 18 : 25 17

7. VfB Běła Woda 1909 12 17 : 21 16

8. Rakečanske ST 12 26 : 24 15

9. SJ Chrósćicy 12 21 : 22 14

10. Drježdźanski SC 1898 12 17 : 20 14

11. SG Weixdorf 12 20 : 27 13

12. FSV Wódrjeńca 02 12 21 : 32 12

13. FC Wocl Rěčicy 12 20 : 35 9

14. ST Ćisk 12 15 : 38 3

wokrjesny pokal – wosmifinale

Wjazońca – Hory6:3 (2:1)

Chrósćicy II – Kubšicy 1:4 (0:0) p.p.

Kinspork/Łužn. II – Germ. Bud. 3:2 (1:1)

Sepicy – Wachau0:3 (0:1)

Wóslink/Skaskow – Großnaund. 0:7 (0:5)

Wjelećin – Horni kraj-Sprjewja 0:3 (0:1)

Kermušny pokalny bój dobyli

póndźela, 25. nowembera 2019 spisane wot:

Sokoł Ralbicy/Hórki – Natwar Němske Pazlicy 7:6 (0:0, 0:0) po třělenju jědnatkow

Zestawa domjacych: Schöne – Materna (107. Budar), Šewc, Wałda, Bjeńš, Matka, Janca (86. Nuk), Rawš, Šiman (62. Domaška), Gloxyn, Kurjat

nawěšk

SERBSKE NOWINY podpěruja:

Novi Sad – kulturna stolica Europy

nowostki LND