Wuslědki (03.02.26)
Kopańca, 3. liga
TSV Havelse – FC Rudne horiny Aue
3:1 (0:1)
1. FC Saarbrücken – VfL Osnabrück
0:1 (0:1)
Viktoria Köln – Waldhof Mannheim
1:3 (0:1)
FC Energija Choćebuz –
TSG Hoffenheim II3:1 (2:1)
Hansa Rostock – FC Ingolstadt 04 0:3 (0:2)
TSV 1860 Mnichow –
TSV Alemannia Aachen 2:2 (1:1)
1. FC Schweinfurt – Jahn Regensburg
0:1 (0:1)
SSV Ulm 1846 – MSV Duisburg 1:0 (1:0)
SC Verl – VfB Stuttgart II 4:0 (0:0)
Čerwjeno-běli Essen – Wehen Wiesbaden 1:0 (1:1)
1. FC Energija Choćebuz 22 48 : 36 43
2. SC Verl 22 54 : 30 41
3. MSV Duisburg 22 38 : 23 40
4. Čerwjeno-běli Essen 22 42 : 33 39
5. VfL Osnabrück 22 31 : 22 39
6. Hansa Rostock 22 37 : 23 38
7. Wehen Wiesbaden 22 29 : 25 35
8. TSV 1860 Mnichow 22 33 : 33 33
9. Waldhof Mannheim 22 37 : 41 32
10. FC Ingolstadt 04 22 40 : 31 31
11. TSG Hoffenheim II 22 43 : 37 31
12. Viktoria Köln 22 31 : 30 30
13. VfB Stuttgart II 22 27 : 36 29
14. Jahn Regensburg 22 29 : 34 27
15. TSV Alemannia Aachen 22 33 : 41 25
16. 1. FC Saarbrücken 22 30 : 35 23
17. FC Rudne horiny Aue 22 25 : 36 22
18. SSV Ulm 1846 22 30 : 45 22
19. TSV Havelse 22 33 : 45 19
20. 1. FC Schweinfurt 22 19 : 53 9
59. Jizerská padesátka, tradicionalne wubědźowanje na běžkach, ...
Wo pućowanski pokal w Kamjencu hrali
Ze 180 přihladowarjemi jara derje wopytana sportowa hala w Kamjencu bě pokazała, zo je kopańca žiwa, a zo přićahuje tež w zymje tójšto fanow do ćěłozwučowarnjow. Na halowym parkeće pokaza 87 koparjow stareje koparskeje gardy jara spodobnu kopańcu. Zarjadowar ST Natwar Němske Pazlicy wjeseleše so w swojim 122. lěće po załoženju nad nahladnym wothłosom. Na 23. bulowej nocy wobdźěli so dźesać teamow Ü35 z Budyskeho wokrjesa a ze ST Seerhausen mustwo z Mišnjanskeho wokrjesa. Inkluziwnje finalnych hrow skónčichu so wot 27 partijow jenož šěsć njerozsudnje. Při wšěm třěli 36 hrajerjow 84 wrotow.
Widźał, słyšał, napisał (02.02.26)
Zyma ma nas nětko hižo někotre tydźenje w horšći. Na smykačach smy hižo stali, ze sankami su mnozy hižo po puću byli, a tež dosć sněha za sněhakowanje po dołhich čarach je hižo ležało. Za Delany móžu rěčeć a wěm, zo deski za sněhakowanje tu mnozy doma maja a je tež rady wućahnu.
Ale sněhakowanje po dołhich čarach je podhódnoćene! Hižo srjedź januara wobdźělištaj so Serbaj na Dolomitowym běhu w Awstriskej. To je wulki mjezynarodny běh za lajkow. A to 20 abo 40 kilometrow, pak klasisce abo skating. Florian Bejmak a Roman Behr běštaj Serbaj, kotrajž so lětsa tam wuspytaštaj a derje wotrěznyštaj. Florian Bejmak běše na skatingu 40 kilometrow 76. wot 221 startowarjow. Roman Behr bě w samsnej discplinje 20 kilometrow po puću a bě 124. wot 199. W klasiskim stilu běštaj wobaj 40 kilometrow po puću – Bejmak bě 89. wot 350 a Behr 169.! Dobre to wukony za Łužisku dwójku.
Sport (30.01.26)
Koparske turněry w Radworju
Sportowe towarstwo Radwor je wot dźensa do njedźele zarjadowar a wuhotowar 7. Radworskich halowych koparskich turněrow. Hrać budźe so w sportowej hali Slawija. Mjez druhim přizjewili su so dorostowe koparske cyłki SJ Chrósćicy, Rakečanske ST, Módro-běli Njeswačidło a Sokoł Ralbicy/Hórki.
pjatk, 30.01.26
19-23 hodź. młodźina A
sobotu, 31.01.26
9-13 hodź. młodźina F
14-18 hodź. młodźina C
19-23 hodź. młodźina B
njedźelu, 01.02.26
9-13 hodź. młodźina E
14-18 hodź. młodźina D
Testowe koparske hry
Jutře a njedźelu přewjedu so wjacore přihotowanske koparske hry pod hołym njebjom. Přewjesć pak dyrbja so tute dale na kumštnych trawnikach.
31.01. 10:30 Jednota Kamjenc –
Biskopičanske KT
31.01. 13:30 ST Kinspork/Łužnica –
Módro-běli Kulow
31.01. 15:00 Nowe Město n. Sprj. –
Rakečanske ST
01.02. 13:00 SJ Chrósćicy –
Módro-běli Lindenau
Tójšto wolejbulowych hrow
Sokoljo w Liberecu pobyli
Serbowka z Dynamom w Braniborskej
Koparske mustwo žonow SG Dynamo Drježdźany, kiž bu hakle 2024 załožene a kotrež hraje tučasnje w krajnej klasy wuchod, je so w Brandenburgu nad Habolu na tak mjenowanym 11. „Allianz Girls - cupje“ wobdźěliło. Na mocyměrjenju ze sławnymi žónskimi koparskimi mustwami Němskeje je so tež Radworčanka Johana Wjeselic jako koparka SGD wobdźěliła.
Dalši wobdźělnicy běchu mustwa U20 Hertha BSC, HSG Warnemünde, Wocl Brandenburg, FC Hansa Rostock, 1.FC Magdeburg, Hannover 96, ST Zeleno-běli Brieselang, U20 Viktoria Berlin, FSV Babelsberg 74. Turněr wotmě so w koparskej hali „Woclowy palast“ w Brandenburgu nad Habolu. Mustwa nastupichu w dwěmaj skupinomaj, kóžda hra traješe stajnje 10 mjeńšinow.
Tróšku zboža tež trjebaš, ale bjez prócy njeńdźe
Wjac hač 600 hrow a 300 wrotow – to su ličby, kotrež samo mjez profijemi jenož legendy docpěja. Róžeńčan Pětr Domaška bě w podobnych sferach po puću, jenož někotre ligi niže. Nic za Mnichowskich Bayerow, ale za Ralbičanskich Sokołow. W aktualnej hrajnej dobje Pětr Domaška Ralbičanskim Sokołam we wokrjesnej wyšej lize hišće tróšku wupomha, hewak hraje wón za staru gardu we wólnočasnej lize. Feliks Cyž je so z Róžeńčanom rozmołwjał.
Su jedne najwažniše, najrjeńše, najspektakularniše abo tež najkuriozniše wrota, na kotrež so wosebje dopominaš?
Kóžde wrota su wažne, dyrbju cyle sprawnje prajić. Spektakularne wrota sym doma přećiwo koparjam z Ottendorfa-Okrille docpěł, jako sym tak mjenowany kop z padom dozady do wrotow třělił. Abo druhi raz w Ottendorfje, to sym bul ze zdalenosće 50 metrow wot srjedźneje linije do wrotow třělił. A raz sym w jednej hrě wosom wrotow třělił. To běchu wosebite wokomiki. Ale na kóžde wrota so wjac njedopomnju.
Energija znowa zbožo měła
FC Energija Choćebuz –
1. FC Schweinfurt 2:1 (2:1)
Zestawa FC Energije: Funk – Rorig (67. Straudi), Awortwie-Grant, Campulka, Borgmann, Pelivan, Ciğerci (85. Manu), Hannemann (79. Butler), Michelbrink (79. Guwara), Thiele (67. Boziaris), Engelhardt
Hra FC Energije Choćebuz přećiwo poslednjemu tabulki bě – hinak hač wočakowane – jenož zdźěla suwerena. Tak tež po 19 hratych mjeńšinach, jako škit hosćićela wysoki bul wotwobarać njezamó. Špatnje škitany Shurtanov centralnje stejo za Schweinfurt 1:0 přetwori. Tola traješe runje pjeć mjeńšinow, doniž znowa sylny Moritz Hannemann njewotmołwi, jako so w šěsnatce přesadźi, zo by po tym bul do dołheho róžka třělił. Slědowaše jenička faza w hrě, w kotrejž Energija dopokaza, zo chce so na čoło tabulki wróćić. Hłójčkowany bul do wrotow Axela Borgmanna spjelni krótko do přestawki přeća publikuma. Tola bjezmała by FC Energija hišće do přestawki znowa do zastatka přišła. Nyamekye Awortwie-Grant bě Endresa w šěsnatce foulował. Tola sudnik Ballweg rozsudźi so za wólny kop před šěsnatku (45.+3). Johannes Geiss zwrěšći na wrotarju Mariusu Funku.
Serbscy gymnaziasća w Kyrkonošach sněhakowali
Wot 12. januara do 16. januara pobychu šulerki a šulerjo Budyskeho Serbskeho gymnazija w Kyrkonošach w Čěskej. W Janskich Láznjach přewjedźechu na arealu „Černá hora“ sněhakowarske lěhwo. Wuměnjenja za wukubłanje běchu wuběrne. Dokelž je we 8. lětniku wjele šulerkow a šulerjow, wotměje so sněhakowarske lěhwo gymnaziastow lětsa w dwěmaj skupinomaj.
Póndźelu rano čakaše prěnja połojca 8. lětnika hižo njesćerpliwje na wotjězd busa do Janskich Láznjow. Po wobjedźe a rozdźělenju stwow podachu so šulerjo do wupožčowarnje, zo bychu sej trěbne wěcy za sněhakowanje wupožčili. Po wječeri so sněhakowarske lěhwo oficialnje zahaji. Nazajtra po snědani bě prěnja wukubłanska jednotka w skupinach.
Mjez wobdźělnikami běchu započatkarjo a postupnicy. Wšitcy dojědźechu sej z liftom na wjeršk hory. Započatkarjo zeznachu a zaběrachu so ze sněhakowarskim wuhotowanjom a postupnicy přewjedźechu hižo prěnje techniske zwučowanja. Po wobjedowej přestawce sćěhowaše metodiske wukubłanje.
