Sport (02.10.25)
Finalny běh w Ramnowje
W Ramnowje přewjedźe so sobotu pjaty a zdobom posledni běh we wobłuku Němskich dumperowych mišterstwow (DDM). Zarjadowar a wuhotowar budźe Dumperowy team Fichte. Finalne běhi započnu so 13.30 hodź. Cyłkowne hódnoćenje nawjeduje tuchwilu Zejičan Paul Domš ze 76 dypkami před Róžeńčanom Filipom Kralom, kiž ma 70 ličakow.
Budissa pod swětłomjetakami
Wyši koparski ligist Budissa Budyšin hraje dźensa wječor doma pod swětłomjetakami přećiwo hosćom z Delnjeje Łužicy. W mustwje trenarja Roberta Kocha, něhdyšeho profija Dynama Drježdźany, hraje wot noweje hrajneje doby něhdyši profikopar Alexander Bittrof. Prěnje zasowidźenje we wokrjesnej wyšej lize změja Kulowčenjo njedźelu na Horach.
02.10. 19:30 Budissa Budyšin –
VfB 1921 Kśišow
04.10. 12:30 SC Wulke Rědorjecy II –
SJ Njebjelčicy
04.10. 13:30 FSV Łuty – ST Radwor
04.10. 14:00 FC Grimma –
Biskopičanske KT 08
04.10. 15:00 Arnsdorfske KT –
ST Marijina hwězda
04.10. 16:30 FC Energija Choćebuz –
TSV Alemannia Aachen
05.10. 10:30 LSV Hory –
Módro-běli Kulow
05.10. 12:30 SJ Chrósćicy II –
Traktor Malešecy
05.10. 12:30 HZ Ralbicy/Pančicy II –
HZ Běła/Cunnersdorf
05.10. 15:00 Sokoł Ralbicy/Hórki –
ST Hnašecy-Dobruša
Přihladowarjow z pjeć wrotami zapleńčili
FC Energija Choćebuz –
VfB Stuttgart II 5:0 (2:0)
Zestawa Energije Choćebuz: Funk – Rorig, Manu, Campulka, Lucoqui (63.Hannemann), Pelivan (83.Moustfa), Boziaris (63.Michelbrink), Borgmann, Ciğerci, Thiele (73.Tattermusch), Engelhardt (72.Butler)
wrota: 1:0 Engelhardt (5.), 2:0 Rorig (40.), 3:0 Engelhardt (54.), 4:0 Campulka (66.), 5:0 Hannemann (90.+2)
To bě jasny a zasłuženy wuspěch za FC Energiju Choćebuz. Hižo prěnje wrota překwapichu, wšako tajki róžk pola FC Energije hišće dožiwili njejsu. Jannis Boziaris nastupi k róžkej a Erik Engelhardt steješe při krótkej žerdźi. Posledni mjenowany zaměstni bul potom z hłowu we wrotach. Na dalše wrota dyrbjachu přihladowarjo kusk dlěje čakać – hakle krótko do přestawki docpě Henry Rorig ze swojim wólnym kopom ze zdalenosće 18 metrow nawjedowanje za Choćebuz. Energija hru dominowaše a hosćom přestawku za wodychnjenje njedowoli.
Kulowčenjo derby za sebje rozsudźili
Módro-běli Kulow –
Sokoł Ralbicy/Hórki 3:1 (2:0)
Zestawa hosći: Schöne – Korjenk, B. Heidorn (77. P. Šołta), Šewc, Gloxyn, L. Heidorn (71. Matka), Mikławšk (46. Janca), N. Šnajder, Mjechela, Hicka, R. Šnajder (60. A. Woko)
Zestawa domjacych: Franz – Langa, Kocor, Koplanski, Kisch (55. Kockert), Bulang (62. Wehlan), Wittek (90.+3 Korch), Čórlich, Nicolaides, Woko, Bergmann
Woblubowany derby wuhrachu minjenu sobotu w „Stadionje měra“ w Kulowje. Po tabulce drje běchu Ralbičenjo faworit. Tola trenar Krystof Gloxyn w swojej narěči hnydom na to skedźbni, zo tabulka w derbyju scyła ničo njewupraji. Wšitcy dyrbja z połnej paru hrać. Z Bosćijom Bejmu, Aleksandrom Wałdu, Patrikom Wokom a Pawlom Rachelu pobrachowaše jemu nazhonity kwartet hrajerjow.
Worklečanki z poražku do sezony startowali
Z dypkom dwěmaj bě so sobotu za wolejbulistki wobwodneje klasy Wuchodna Sakska nowa hrajna doba 2025/26 zahajiła. Žony prěnjeho zastupnistwa Viktorije Worklecy dojědźechu sej na zazběhowu hru noweje sezony do Habrachćic. Hosćićelki běchu žony wot TSV Kundračic. Wone běchu w zašłej sezonje druhe městno wobsadźili. Kundračanki su hižo dołho znaty luby kontrahent, pola kotrehož sej Worklečanki w zašłosći pak zuby wukusachu abo triumfowachu.
TSV Kundračicy –
Viktoria Worklecy 3:0
(25:18, 25:21, 25:19)
Za Worklecy zasadźeni: Maika Dźisławkec, Christin Opicec, Constance Pötschke, Marta Handrikec, Anja Šmitowa, Emma Šustrec, Hannah Šustrec, Jana Žurowa; trenarka: Daniela Kralec
Napjaty dźeń wobornikow
Po wuspěšnym jubilejnym kóncu tydźenja nawróći so w Smjerdźacej wubědźowanska nalada. Při hašenskim nadběhu zašłu njedźelu wubědźowachu so wobornicy wo dwaj pokalej.
Najprjedy wojowachu wo trofeju zarjadniskeho zwjazka „Při Klóšterskej wodźe“.
Do poslednjeho běha běchu sej jednotliwe wobory hladajo na dypki jara blisko: Wobornicy z Róžant-Sernjan ležachu ze 100 dypkami snadnje před Smjerdźacej z 99 ličakami. Falowaceje načolneje jednotki dla bě napjatosć hižo do wubědźowanja skerje snadna. Prawe mocyměrjenje wo trofeju přiwšěm knježeše. Smjerdźečenjo dobychu na kóncu před Wotrowčanami a wobornikami z Konjec-Šunowa.
Helmut Libš, něhdyši zamołwity wobornik wokrjesa, bě w regionje před wjacorymi lětami za wubědźowanje rozsudne impulsy dał. Uta Katzerowa ze Smjerdźaceje wuzběhny wuznam jeho angažementa: „Helmut je wubědźowanje tule do kónčiny přinjesł a natwarił. Bjez njeho njeby tute wubědźowanje wohnjoweje wobory ženje tak daloko přišło. Z pokalom zarjadniskeho zwjazka ‚Při Klóšterskej wodźe‘ chcyše, zo wubědźowanje dale wobsteji.“
Wuslědki (30.09.25)
Kopańca; krajna klasa
Wódrjeńca – Němske Pazlicy 6:1 (3:1)
Drj. Strěžin – Wojerowski FC 2:1 (1:1)
Zhorjelc – Biskopičanske KT II 0:1 (0:1)
ST Wesenitzal – ST Bannewitz 0:3 (0:0)
Póst Drj. – Radebergerske ST 3:3 (1:1)
Nowosólc-Hródk – Niska 3:1 (1:1)
1. FSV Nowosólc-Hródk 6 23 : 6 18
2. FSC Wódrjeńca 02 6 23 : 8 13
3. SZ Drježdźany Strěžin 6 17 : 9 13
4. Chemie Dohna 6 14 : 11 12
5. Wojerowski FC 6 11 : 5 10
6. Póst Drježdźany 6 15 : 18 10
7. Přezjednota Niska 6 16 : 10 9
8. ST Wesenitztal 6 10 : 15 9
9. ST Bannewitz 6 10 : 6 8
10. Radebergerske ST 6 15 : 16 8
11. Natwar Němske Pazlicy 6 11 : 16 8
12. Radebeulski BC 6 12 : 14 6
13. Biskopičanske KT II 6 9 : 17 6
14. Módro-běli Zschachwitz 6 9 : 24 4
15. Žołto-běli Zhorjelc 6 7 : 12 3
16. SG Weixdorf 6 4 : 19 1
Wokrjesna wyša liga
Kulow – Sokoł Ralbicy/Hórki 3:1 (2:0)
Póst Budyšin – LSV Hory 2:1 (2:0)
TSV Połčnica – Wulke Rědorjecy 0:4 (0:3)
SG Großnaundorf – TSV Wachau 2:0 (2:0)
SJ Chrósćicy – Horni kraj-Sprjew. 3:3 (1:1)
Ramnow – Rakečanske ST 0:5 (0:2)
Hlinowski SK – Bukecy 0:1 (0:0)
1. SG Großnaundorf 6 18 : 8 15
2. Póst Germania Budyšin 6 15 : 6 15
3. SC 1911 Wulke Rědorjecy 6 16 : 6 13
4. ST Hnašecy-Dobruša 6 18 : 10 13
5. Sokoł Ralbicy/Hórki 6 11 : 8 13
6. SJ Chrósćicy 6 17 : 14 10
7. Módro-běli Kulow 6 13 : 10 10
8. LSV Hory 6 14 : 18 9
9. Rakečanske ST 6 15 : 15 7
10. FV Ottendorf-Okrilla 6 11 : 12 7
11. Drohotka Ramnow 6 8 : 13 7
12. Zeleno-běli Bukecy 6 10 : 14 6
13. Hlinowski SK 1931 6 12 : 16 4
14. TSV Połčnica 6 7 : 17 4
15. TSV Wachau 6 7 : 12 3
16. ST Horni kraj-Sprjewja 6 5 : 18 2
Sezonu z wuspěchom zahajili
ST Coswig-Mišno –
ST Viktoria Worklecy 1:3
(23:25, 13:25, 25:20, 23:25)
Za Worklecy hrajachu: Jakub Bobka, Elias Kummer, Julian Manzcak, Jan Zarjeńk, Benedikt Šołta, Józef Krawc, Šćěpan Wjeńka (hrajer a trenar)
Tydźenja su mužojo prěnjeho wolejbuloweho mustwa Viktorije w Sakskej klasy do noweje sezony startowali. K zazběhej dojědźechu sej do Coswiga k nazhonitemu mustwu ST Coswig-Mišno. Bě to ćežka hra, dokelž steješe Worklečanam jenož sydom hrajerjow k dispoziciji. Mjez nimi njebě žadyn libero. Přičina za minimalnu wobsadku běše, zo njejsu dorostowi hrajerjo w prěnimaj hromaj hišće woprawnjeni sobu hrać. Najebać tutu njelěpšinu chcychu hosćo derje do noweje sezony startować a sej po móžnosći prěnje tři dypki zawěsćić.
Steinmeier wopyta bamža
Vatikan (B/SN). Zwjazkowy prezident Frank-Walter Steinmeier je na wopyće bamža Leja XIV. podšmórnył, zo je „hłós z Roma wažny za Němsku“. Wobaj starosćitaj so spadowaceje ličby čłonow cyrkwje dla. Steinmeier bamža pozbudźowaše dale mjez konfliktnymi stronami wujednawać, kaž bě wón to nastupajo rusku wójnu w Ukrainje hižo přilubił. Zwjazkowy prezident je ewangelski, jeho mandźelska Elke Büdenbender katolska.
Wuše zhromadne dźěło
Drježdźany/Radebeul (B/SN). Křesćanskej dobroćelstwowej zwjazkaj Diakonija a Caritas w Sakskej chcetej hladajo na křesćanske hódnoty wušo hromadźe dźěłać. W pisomnym stejišću dohladowarskeju radow rěka: „Chcemy w času financielnych wuskosćow zhromadnje za naš socialny přichod skutkować.“ Wobaj zwjazkaj matej 36 000 sobudźěłaćerjow.
Prěnje pismo čłowjestwa
Doma dypkowali
Viktoria Worklecy –
Volleys Koblicy 3:2
(25:17, 21:25, 22:25, 25:22, 16:14)
Worklečanow wočakowaše w prěnjej partiji znaty přećiwnik z Koblic. W prěnjej sadźbje so Worklečanam wosebje při nadaćach nimale wšitko poradźi. Zdobom so na tutym dnju Elias Kummer a libero Daniel Wałda ze stabilnymi přiwzaćemi wo dobry natwar hry postaraštaj. Z wulkim ćišćom móžachu hosćićeljo sadźbu jasnje 25:17 za sebje rozsudźić.
Hosćo zamóchu w druhim přechodźe nadaća lěpje přiwzać a z tym swójske nadběhi natwarjeć. Tež swój zwučeny sylny blok woni nětko lěpje zasadźachu. To wjedźe spěšnje k předskokej sydom dypkow (5:12). Byrnjež so domjace mustwo krok po kroku zaso do hry namakało, na kóncu za dobyće sadźby njedosahaše.
Samsny wobraz skićeše so přihladowarjam w třećej sadźbje. Tuž wuhrachu sej hosćo dobyće 22:25.
Widźał,słyšał, napisał (29.09.25)
Awtor dźensa
Jan Bogusz
