Skónčnje dobre wjedro měli
Wuslědki (13.08.25)
Kopańca; wyša liga mužojo
Budissa Budyšin – FC Grimma 7:0 (5:0)
1. FC Jednota Rudolstadt 2 5 : 1 6
2. Germania Halberstadt 2 3 : 1 6
3. VfL Halle 96 2 9 : 4 4
4. RSV Přezjednota 1949 2 8 : 6 4
5. SG Union Sandersdorf 2 4 : 3 4
6. Budissa Budyšin 2 9 : 4 3
7. VfB 1921 Kśišow 2 4 : 2 3
8. VFC Plauen 2 2 : 1 3
9. FC Jednota Wernigerode 2 3 : 3 3
9. SC Freital 2 3 : 3 3
11. Biskopičanske KT 08 2 3 : 4 3
12. VfB Empor Glauchau 2 1 : 3 3
13. 1. SC 1911 Heiligenstadt 2 3 : 4 1
14. 1. FC Lok Stendal 2 0 : 4 0
15. VfB Auerbach 06 2 0 : 6 0
16. FC Grimma 2 1 : 9 0
Hač do kónca dyrbjachu wojować
ST Zeleno-běli Bukecy II –
SJ Chrósćicy II 1:3 (1:1)
Zestawa hosći: K. Mark – M. Donat, Materna, T. Donat, Wowčer, Sćapan (84. J. Mark), F. Zahrodnik, M. Zahrodnik, Budar, Špitank (70. Klemenc), Kř. Zahrodnik (80. Brühl)
Zašły pjatk bě so koparska rezerwa Chróšćan sportoweje jednotki na swoju prěnju winowatostnu hru w nowej hrajnej dobje podała. Cil běchu Bukecy, hdźež hrajachu w prěnim kole wokrjesneho pokala přećiwo tamnišemu druhemu zastupnistwu. Jako mustwo z wokrjesneje ligi běchu hosćo wokrjesneje klasy wězo faworit hry.
Tež dorostowe koparske mustwa Budissy Budyšin so tuchwilu ...
Wuspěšnje do pokala startowali
HZ Łaz/Běły Chołmc –
Sokoł Ralbicy/Hórki 1:2 (0:1)
Zestawa hosći: Žur – P. Šołta (46. Janca), B. Heidorn, Wałda, L. Heidorn (80. Mjechela), Gloxyn, Rachela, A. Woko (84. Mikławšk), N. Šnajder (76. T. Bejma), Hicka (61. R. Šnajder), B. Bejma
Po wuspěšnych přihotowanskich hrach rěkaše dewiza za Sokołow, zo na wukony nawjazaja a prěnju winowatostnu hru wobsteja. Jězba wjedźeše jich do Běłeho Chołmca. Hrajne zjednoćenstwo hraješe loni hišće we wokrjesnej wyšej lize, dyrbješe pak zestupić. Trenar Krystof Gloxyn warnowaše swoje mustwo, zo njebudźe to lochka hra.
SJC po słabym starće tola dobyli
ST Wulka Dubrawa –
SJ Chrósćicy 1:2 (1:0)
Zestawa hosći: Škoda – Wornar (52. Graf), Młynk, M. Dźisławk, B. Cyž, L. Zahrodnik, Hawš, Kral-Zahrodnik, B. Donat (52. Mark), Bjeńš (90. Wićaz), Šiman (90. F. Cyž)
Po štyrinjedźelskej přihotowanskej fazy startowachu Chróšćenjo zašły pjatk wječor z pokalnej hru we Wulkej Dubrawje do noweje sezony. Minjenu sezonu su w pokalu samo połfinale docpěli.
Domjacy lěpje do hry startowachu. Woni łakachu na zmylki SJC a pytachu direktne puće na wrota. Prěnje móžnosće pak wulce strach njewubudźichu. Poněčim Chróšćenjo kontrolu nad hru přewzachu. Ale dobre móžnosće sej tež woni spočatnje njewuhrachu. Runje w tutej fazy docpěchu hosćićeljo nawjedowanje. Po zmylku při srjedźnej liniji startowachu Wulkodubrawčenjo konter, kotryž Elia Rudolph w 19. min. k 1:0 we wrotach zaměstni. Po zastatku so Chróšćenjo zhrabachu a so tež před wrotami domjacych pokazachu. Tola třělwje Franca Bjeńša abo Luciana Zahrodnika wrotarja před wulke problemy njestajištej. Dalše móžnosće SJC domjacy škitarjo derje zakitowachu.
Wuslědki (12.08.25)
Wokrjesny pokal
Bukecy II – SJ Chrósćicy II 1:3 (1:1)
ST Wulka Dubrawa – SJ Chrósćicy 1:2 (1:0)
HZ Kulow II – ST Bart 7:8 (0:2) ptj
Wachau II – Zeleno-běli Sepicy 2:0 (1:0)
HZ Horni kraj II – ST Wjelećin 1:0 (0:0)
HZ Bretnig-Hauswalde II –
ST Marijina hwězda2:6 (2:2)
ST Lubuš II – Hlinowski SK 4:2 (0:0)
Wjazońca – ST Hnašecy-Dobruša 1:4 (0:1)
LSV Hory II – Rakečanske ST II 3:2 (2:2)
Delni Wujězd – Němske Pazlicy II 0:6 (0:4)
J. Kamjenc – Huska/Hodźij 4:3 (2:1) pp
Mały Wjelkow –ST Njeswačidło 0:3 (0:0)
HZ Běła/Cunnersdorf –
ST Radwor3:4 (2:1) pp
Porchow – Wulke Rědorjecy II 4:3 (2:1)
Łaz/Běły Chołmc – Ralbicy/Hórki 1:2 (0:1)
Wóspork – HZ Wulka Dubrawa II 1:4 (1:2)
ST Haselbachtal –
ST Demicy-Tumicy1:2 (1:0)
SJ Njebjelčicy – TSV Połčnica II 4:3 (2:2)
Minakał – Rakečanske ST 4:2 (1:1)
Bretnig-Hauswalde –
Großnaundorf4:2 (1:2)
ST Kubšicy –
HZ ST Horni kraj-Sprjewja 5:3 (2:0) pp
HZ Frankenthal –
FV Ottendorf-Okrilla 3:5 (0:0) pp
Zbožo wulku rólu hrało
1.FC Schweinfurt –
FC Energija Choćebuz 0:2 (0:0)
FC Energija Choćebuz: Bethke – Rorig, Campulka, Awortwie-Grant, Guwara, Pelivan, Hofmann (65. Boziaris), Borgmann (80. Mousta), Ciğerci, Engelhardt (65. Tattermusch), Butler (90.+2 Moustfa). trenar: Wollitz
wrota: 0:1 Campulka (90.+3), 0:2 Moustfa (90.+8)
Tak jednorje to njebě, zmužiće agěrowacemu nowačkej swoje hranicy pokazać. Dokelž bě žerdź na puću, njezamóchu domjacy w 5. min. nawjedować.
W druhim połčasu pokaza Choćebuz jasnje wjace prezency a zaběraše přećiwnika wosebje w škiće. Hakle po žołto-čerwjenej karće za Geisa (66.) a Dellingera (83.) zamóchu Choćebuženjo šansy wužić. Přiwšěm pak traješe hač do třećeje mjeńšiny přidatneho hrajneho časa, doniž njemóžeše Energija tutu wuběrnu konstelaciju wužić. Tim Campulca docpě 1:0. Wrota Can Moustfa pjeć mjeńšinow pozdźišo běchu skónčnje sćěh „Wšo abo ničo“ hosćićela, při kotrymž agěrowaše tež wrotar Toni Stahl w Choćebuskej šěsnatce. Tak njeměješe Moustfa žane ćeže po přihrawce Romarija Hajrulla bul we wrotach zaměstnić a z tym kónčny rozsud 2:0 docpěć. Georg Zielonkowski
Pokalny duel mjez HZ Bretnig-Hauswalde a ST Marijinej hwězdu, kotryž ...
Widźał,słyšał, napisał (11.08.25)
Awtor dźensa
Michał Nuk
Sće hižo raz słyšeli wo beach-mjetańcy? Abo wo korfbulu? Abo wo powerboatingu? Tele dny maće składnosć, tute trochu eksotiske sportowe družiny na swětowym niwowje zeznać.
Wot 7. do 17. awgusta wotměwaja so mjenujcy w juhozapadnochinskim měsće Chengdu World Games – serbsce Swětowe hry. To su takrjec mjezynarodne wubědźowanja njeolympiskich sportowych družin. Tute wulkozarjadowanje, kotrež mjeztym hižo 34 lět eksistuje, přewjeduje so w samsnym turnusu kaž lěćne olympiske hry, jenož stajnje lěto pozdźišo. Prěni raz zetkachu so 1981 w US-ameriskim Santa Clara, tehdy hišće w 15 oficialnych a jednej tak mjenowanej přeprošenskej sportowej družinje. Wšo dohromady běše jich přibližnje 1 600 wobdźělnikow z 58 krajow. Tola kaž jich „wulki přikład“ su tež Swětowe hry mjeztym rozrostli. Runje, na XII. wurisanju zetkawa so na 4 000 sportowcow ze 116 krajow.
