We wobłuku wubědźowanskeje serije wólnočasnych ...

póndźela, 15. junija 2026 spisane wot:
We wobłuku wubědźowanskeje serije wólnočasnych spěšnokolesowarjow w tak mjenowanym Łužiskim cupje je so wčera w Kulowje lětsa mjeztym hižo štwórte wurisanje wotměło. Tute wuhotowachu prěni raz sobustawojo Kulowskeho velo-kluba. Dźewjeć kilometrow dołhe koło na asfalće wjedźeše wot Kulowskeho Kolpingoweho naměsta přez Salow, Koćinu a Hózk zaso wróćo do Kulowa. Hłowny běh na distancy 93 km doby Čech Petr Kniha. Najlěpši domoródny kolesowar Kulowskeho velo-kluba bě Šunowčan Matijas Möller na 11. městnje. Foto: Konstantin Hrjehor

dale čitać ...

Widźał,słyšał, napisał (15.06.26)

póndźela, 15. junija 2026 spisane wot:
Awtor dźensa Clemens Šmit

Swětowe mišterstwo w Pěskecach? To bě mój mjezyfacit hač do wčerawšeje njedźele. Wothladajo wot hry němskeho mustwa bě předkoło turněra dotal skerje ... nóhaj. Dźiwne přihrawki, tójšto taktiskich zmylkow a lědma běžna kopańca, kajkuž ju hewak wot champions league abo druhdźe znaješ. A potom mi switaše. Scenarij tola znaju: Kóžde lěto znowa jón swjatki póndźelu w Pěskecach dožiwjam. To njeje najrjeńša, estetiska kopańca. Za to wjele kick and rush, kaž w Jendźelskej rjeknu. Potajkim husto daloko doprědka klepane bule. A tola maja tute hry něšto na sebi, w Pěskecach runje tak kaž dotal na swětowym mišterstwje. Wšako hrajerjo wšo dadźa, zo bychu swoju wjes, swój pochad zastupowali. Na přikład pjatk wječor: Kanada přećiwo Bosniskej a Hercegowinje. To njebě najlěpša kopańca, zdźěla bě samo jara špatna. Ale hra měješe njewšědny tempo a rytmus a bě žiwa wot scenow, kiž běchu skerje připadnje nastali. Na zbožo stej so tempo a niwow hrow mjeztym zwyšiłoj. Wosebje hra Japanskeje přećiwo Nižozemskej bě jara dobra a zabawna. Tak móže rady dale hić!

dale čitać ...

Sylniše mustwo přěhrało

póndźela, 15. junija 2026 spisane wot:

ST Marijina hwězda – ST Porchow 1:2 (0:1)

Zestawa domjacych: D. Matik – J. Ladewig, Fl. Bulank, K. Pakoßnick, R. Cyž – A. Eldor (16. E. Bulank, 65. J. Clausen), T. Jurš, Ch. Cyž, E. Zynda (89. Fe. Langer) – Fl. Zelnak, J. Pakoßnick

dale čitać ...

Wuslědki (15.06.26)

póndźela, 15. junija 2026 spisane wot:

wokrjesna liga stafla I

TSV Wjazońca – ST Wjelećin 3:1 (1:0)

Motor Kumwałd – Steinigtwolm.1:2 (0:0)

ST Kubšicy – Arnsdorfske KT 6:2 (3:0)

Huska/Hodźij – Marijina hwězda6:2 (3:1)

1. Bretnig-Hauswalde 25 126 : 14 70

2. ST Porchow 25 64 : 34 56

3. TSV Wjazońca 25 72 : 55 49

4. ST Wjelećin 25 65 : 58 43

5. ZSZ Załom-Wopaka 25 54 : 51 43

6. ST Kubšicy 25 86 : 64 41

7. TSV Połčnica II 25 50 : 62 37

8. Arnsdorfske KT 25 76 : 60 36

9. ST Marijina hwězda 25 68 : 53 36

10. SZ Steinigtwolmsdorf 25 61 : 64 31

11. HZ Huska/Hodźij 25 47 : 68 29

12. Motor Kumwałd 25 30 : 80 16

13. TSV Wjernarjecy 25 24 : 94 11

14. HZ Frankenthal 25 25 : 91 6

dale čitać ...

Sport (12.06.26)

pjatk, 12. junija 2026 spisane wot:

Zazběh Satkulabičtury

Zazběh Satkulabičtury Młodźinskeje redakcije Serbskeho rozhłosa je lětsa we Worklecach, a to póndźelu, 15. junija. Wolejbulowe cyłki, w kotrychž dyrbi stajnje jedna holca sobu hrać, zetkaja so w 17.30 hodź., turněr započnje so potom we 18 hodź. Dalše stacije budu 22.06. Ralbicy / 29.06. Njebjelčicy / 06.07. Konjecy / 13.07. Wotrow / 20.07. Radwor / 27.07. Chrósćicy / 03.08. Kulow / 10.08. Róžant a 17.08. Miłoćicy (finale).

Koparski derby w Malešecach

Prěnje koparske mustwo Sportoweho towarstwa 1922 Radwor hotuje so na gmejnski derby, kotryž přewjedźe so jutře w Malešecach. Malešenjo, kiž tabulku wokrjesneje ligi stafla II z jednym dypkom před mustwom z Minakała nawjeduja, du jako faworit do hry, tež hdyž su Radworčenjo ze zašłych třoch partijow dwě dobyli. Hra Njebjelčanow přećiwo hrajnemu zjednoćenstwu Lomnitz-Großnaundorf II přewjedźe so na sportnišću w Großnaundorfje.

13.06. 14:00 Jednota Kamjenc –

  HZ Ralbicy II / Pančicy II

13.06.  15:00  Módro-běli Kulow –     ST Horni kraj-Sprjewja

13.06.  15:00  HZ Huska/Hodźij –     ST Marijina hwězda

13.06.  15:00  Traktor Malešecy –     ST Radwor

14.06.  10:30  LSV Hory –      Sokoł Ralbicy/Hórki

14.06.  13:00  Lomnitz-Großnaun. II –     SJ Njebjelčicy

14.06.  12:30  SJ Chrósćicy II –      FC Łužica

dale čitać ...

Znowa žadyn dypk za SJC II

štwórtk, 11. junija 2026 spisane wot:

SJ Chrósćicy II –

FSV Módro-běli Minakał 0:2 (0:2)

Zestawa domjacych: Mark – Wowčer, Materna, T. Donat, F. Zahrodnik (46. Kola), Budar, B. Donat (84. Dridiger-Šołta), Špitank, M. Zahrodnik (73. Brühl), Matik, Klemens

dale čitać ...

Kopańca za kóždeho?

štwórtk, 11. junija 2026 spisane wot:
Dźensa je skónčnje tak daloko. Najwjetše swětowe mišterstwo w stawiznach kopańcy so zahaji. Město dotalnych 64 hrow móžemy sej 104 hrow wobhladać. Na tutym městnje so prašam, hač je to trjeba. Wězo je rjenje, zo maja tež małe narody móžnosć, so na turněrje wobdźělić. Ale potom budźe tola kwalitatiwny rozdźěl tajki wysoki, zo móža jenož nowe rekordy za kónčne wuslědki nastać. Tola nic jenož wuslědki budu rekordne, ale tež płaćizny tiketow. W Němskej su hosćo w lěće 2006 mjez 30 a 1 000 eurami za zastupny lisćik zapłaćili. Na lětušim swětowym mišter­stwje zapłaća mjez 185 a 11 000 eurami. Měnju, zo ma kopańca za kóždeho być a nic jenož za bohatych, kotřiž sej tiket kupja, zo bychu so reprezentowali. Za Němca je wulět na swětowe mišterstwo tak drohi, zo móže sej za samsne pjenjezy hižo awto kupić. Płaćizny pak po cyłym kraju stupaja, dokelž přichadźa dosć tu­ristow, kotřiž chcedźa w hotelach a w hosćencach přebywać. Julius Paška

dale čitać ...

Zahaja swětowe mišterstwo

štwórtk, 11. junija 2026 spisane wot:
Mexiko-City (dpa/SN). W legendarnym stadionje Actekow zahaja dźensa wječor w 21 hodź. dotal najwjetše swětowe mišterstwo w kopańcy. Partija hosćićela Mexiko přećiwo mustwu z Južneje Afriki je prěnja wot 104 hrow wulkoturněra. Na nim wobdźěli so 48 město dotal 32 mustwow. USA a Kanada stej nimo Mexika hosćićelej mišterstwa. Do prěnjeje hry protestuja w Mexiku wučerjo, dokelž so wo wěstotu starosća. 90 mjeńšinow do prěnjeho zakopa ma so turněr z wulkej show zahajić. Na njej zaspěwa popstar Shakira zhromadnje z co-spěwarjom Burna Boy prěni raz oficialnu hymnu lětušich­ mišterstwow „Dai Dai“. Dalši wuměłcy Danny Ocean, J Balvin, Lila Downs a Alejandro Fernandez so toho­runja wobdźěla. Kołowokoło lětušeho turněra je tójšto kontrowersow. Tak su tikety­ jara drohe, tež zjawny transport je wosebje w USA přewšo drohi. Gianni Infantino,­ prezident FIFA, kotraž turněr wuhotuje, pak zastupne płaćizny zaki­tuje. Za nje maja lětsa prěni raz tak mjenowany „dynamic pricing“, štož woznamjenja, zo płaćizny wotwisujo wot zajima ludźi stupaja abo spaduja.

dale čitać ...

Dobyće za SJC

srjeda, 10. junija 2026 spisane wot:

ST Drohotka Ramnow –

SJ Chrósćicy 2:3 (1:3)

Zestawa hosći: Škoda – Mark, Młynk, Zynda, Wićaz, Bjeńš (53. Donat, 90. Matik), Graf (73. Wornar), Hawš, Dźisławk, Bogusz (75. Kral-Zahrodnik), Handrik

Njedźelu wojowachu Chróšćenjo w Ramnowje přećiwo dalšemu přećiwnikej, kotryž steji w delnjej połojcy tabulki. Do partije mějachu Chróšćenjo jedyn ličak předskoka, tuž nochcychu ju na žadyn pad přěhrać a z tym poziciju w tabulce Ramnowčanam přewostajić.

dale čitać ...

Wuslědki (10.06.26)

srjeda, 10. junija 2026 spisane wot:

wokrjesna klasa stafla II

1. TSV Wachau II 18 51 : 28 40

2. SJ Njebjelčicy 18 51 : 22 38

3. SV Liegau-Augustusbad 19 67 : 27 34

dale čitać ...
strona 5 wot 207

HSSL25

LND onlineshop 2026

Chróšćan Šulerjo

e-paper-wudaće:20.08.2026

Nadźijeja so słónčneho kónca

dźěłowe městna w LND

aktualne wupisanja
Nowe poskitki knihow LND namakaće w lětušim wudaću Nowinkarja!

Nowinkar 2025

Midas Logo